തിരുവനന്തപുരം: വിജയ്ക്ക് പിന്നാലെ സൂപ്പർസ്റ്റാർ രജനീകാന്തും തിരുവനന്തപുരത്തെത്തുന്നു. ടിജെ ജ്ഞാനവേൽ സംവിധാനം ചെയ്യുന്ന വേട്ടെയ്യൻ എന്ന സിനിമയുടെ ചിത്രീകരണത്തിനായാണ് രജനീകാന്ത് തിരുവനന്തപുരത്തെത്തുന്നത്. താരം നാളെ തിരുവനന്തപുരത്ത് എത്തുമെന്നാണ് റിപ്പോർട്ട്.
മലയാളത്തിന്റെ പ്രിയ താരങ്ങളായ മഞ്ജു വാര്യരും ഫഹദ് ഫാസിലുമെല്ലാം പ്രധാന കഥാപാത്രങ്ങളായി എത്തുന്ന വേട്ടെയ്യന്റെ ചിത്രീകരണം ആരംഭിച്ചത് തിരുവനന്തപുരത്ത് തന്നെയാണ്. ഒക്ടോബർ ആദ്യവാരമാണ് സിനിമയുടെ ചിത്രീകരണം തുടങ്ങിയത്.
ഗോട്ടിന്റെ ചിത്രീകരണത്തിനായി കഴിഞ്ഞ ദിവസമാണ് വിജയ് തിരുവനന്തപുരത്ത് എത്തിയത്. തലസ്ഥാനത്തെത്തിയ താരത്തെ സ്വീകരിക്കാൻ വൻജനാവലിയാണ് എത്തിയത്. രജനീകാന്തും വിജയും തിരുവനന്തപുരത്ത് എത്തുമെന്ന വാർത്ത വന്നതോടെ തങ്ങശുടെ രണ്ട് സൂപ്പർ താരങ്ങളെയും ഒറ്റ ഫ്രൈമിൽ കാണാനുള്ള ആവേശത്തിലാണ് ആരാധകർ. രാണ്ടാഴ്ച്ചയോളം വേട്ടയ്യന്റെ ചിത്രീകരണം നീളുമെന്നാണ് പ്രതീക്ഷിക്കന്നത്.
Discussion about this post