മസ്കറ്റ്: വരുന്ന രണ്ടു ദിവസം ഒമാനില് ശക്തമായ മഴയ്ക്ക് സാധ്യത. ന്യൂനമര്ദ്ദം രൂപപ്പെടുന്നതിന്റെ ഫലമായി ആണ് രാജ്യത്ത് മഴ ലഭിക്കുക. രാജ്യത്തെ വടക്കന് ഗവര്ണറേറ്റുകളില് മഴയ്ക്കും കാറ്റിനും സാധ്യതയുണ്ടെന്ന് സിവില് ഏവിയേഷന് അതോറിറ്റി അറിയിച്ചു.
അല്ഹജര് പര്വ്വത നിരകളിലും ദോഫാര്, ശര്ഖിയ, അല്വസ്ത ഗവര്ണറേറ്റുകളിലുമാണ് മഴയ്ക്ക് സാധ്യത. 10 മുതല് 40 മി.മീറ്റര് വരെ മഴ ലഭിച്ചേക്കുമെന്നാണ് പ്രവചനം.
ഒമാൻ കടലിന്റെയും പടിഞ്ഞാറൻ മുസന്ദത്തിന്റയും തീരപ്രദേശങ്ങളിൽ കടൽ പ്രക്ഷുബ്ധമാകുമെന്നും മുന്നറിയിപ്പുണ്ട്. തിരമാലകൾ 1.5മുതൽ മൂന്ന് മീറ്റർവരെ ഉയരാനും സാധ്യതയുണ്ട്. മണിക്കൂറിൽ 22മുതൽ 48 കി.മീറ്റർ വേഗതയിൽ കാറ്റ് വീശും. ഇത് മൂലം മരുഭൂമിയിലും തുറസ്സായ പ്രദേശങ്ങളിലും പൊടിപടലങ്ങൾ ഉയരാൻ സാധ്യതയുണ്ടെന്നും ജാഗ്രത പാലിക്കണമെന്നും അധികൃതർ മുന്നറിയിപ്പ് നല്കി.
Discussion about this post