നടി തൃഷ തന്റെ അഭിനയ ജീവിതം ആരംഭിച്ചിട്ട് കാൽ നൂറ്റാണ്ട് പിന്നിടുകയാണ്. ഈ 25 വർഷത്തിനിടയിൽ അൻപതിലധികം സിനിമകൾ ചെയ്തിട്ടുണ്ട്. ഇതിൽ കൂടുതലും തമിഴ് – തെലുങ്ക് സിനിമകളായിരുന്നു. കന്നടയിലും, മലയാളത്തിലും നടി തന്റെ സാന്നിധ്യം അറിയിച്ചിട്ടുമുണ്ട്.
പ്രിയദർശൻ സംവിധാനം ചെയ്ത ഖട്ട മീത്ത എന്ന ചിത്രത്തിലൂടെ ബോളിവുഡിലും എത്തിയെങ്കിലും തൃഷ പിന്നീട് ആ ഇൻഡസ്ട്രിയിൽ നിന്നും അകന്ന് നിൽക്കുകയാണ്.
ഒരേ ഒരു ഹിന്ദി സിനിമ മാത്രം ചെയ്ത ശേഷം ബോളിവുഡിനോട് നടി പൂർണമായും മുഖം തിരിക്കുകയാണോ എന്ന് ചോദ്യത്തിന് നടി തന്നെ കാരണം വെളിപ്പെടുത്തിയിട്ടുണ്ട്.
‘അന്ന് ബോളിവുഡ് ലോകത്തേക്ക് പൂർണമായും പറിച്ചു നടുക എന്നത് അസാധ്യമായ കാര്യമായിരുന്നു. ഇവിടെ പലതും ഉപേക്ഷ് അവിടെ പുതിയൊരു റീസ്റ്റാർട്ട് അത്ര നിസ്സാരമല്ല. വീണ്ടും ഒന്നിൽ നിന്ന് തന്നെ തുടങ്ങണം’- തൃഷ വ്യക്തമാക്കിയിരുന്നു.
അതോടൊപ്പം ബോളിവുഡ് സിനിമ ഇനിയൊരിക്കലും ചെയ്യില്ലെന്ന് തീരുമാനിച്ചിട്ടില്ല. പക്ഷെ ചെയ്യുമ്പോൾ അത്രയും മൂല്യമുള്ളതായിരിക്കണമെന്നും താരം വ്യക്തമാക്കി. ഏത് ഇന്റസ്ട്രിയിൽ ആണെങ്കിലും, നല്ല കണ്ടന്റ് ആണെങ്കിൽ സ്വീകരിക്കും. ഭാഷ ഒരു പ്രശ്നമല്ല. പക്ഷെ അതിന് വാല്യു ഉണ്ടായിരിക്കണം.
2010 ൽ ആണ് അക്ഷയ് കുമാറിനെയും തൃഷയെയും കേന്ദ്ര കഥാപാത്രങ്ങളാക്കി പ്രിയദർശൻ ഖട്ട മീത്ത എന്ന സിനിമ സംവിധാനം ചെയ്തത്. സിനിമ അമ്പേ പരാജയപ്പെട്ടു. അതിന് ശേഷം മറ്റൊരു ബോളിവുഡ് സിനിമ തൃഷ ഏറ്റെടുത്തിട്ടില്ല.
അതേസമയം, പൊന്നിയിൻ സെൽവൻ, ലിയോ എന്നീ സിനിമകളുടെ വിജയത്തോടെ മാർക്കറ്റ് മൂല്യം കൂടിയ തൃഷ തന്റെ പ്രതിഫലം കൂട്ടിയതായാണ് സൂചന. കമൽഹാസനൊപ്പം അഭിനയിക്കുന്ന പുതിയ ചിത്രം തഗ് ലൈഫിനായി പത്ത് കോടിക്ക് മുകളിലാണ് തൃഷയുടെ പ്രതിഫലമെന്ന് റിപ്പോർട്ടുകൾ വരുന്നുണ്ട്.
