ന്യൂഡൽഹി: ബോളിവുഡ് താരം രൂപാലി ഗാംഗുലി ബിജെപിയിൽ ചേർന്നു. ഡൽഹിയിലെ പാറട്ടി ആസ്ഥാനത്ത് വച്ച് നടന്ന ചടങ്ങിലാണ് രൂപാലി ബിജെപി അംഗത്വം സ്വീകരിച്ചത്. മുതിർന്ന ബിജെപി നേതാക്കളായ വിനോദ് താവ്‌ഡെ, അനിൽ ബലുനി എന്നിവരും ചടങ്ങിൽ സന്നിഹിതരായിരുന്നു.
തന്നെ വളരെയധികം സ്വാധീനിച്ച വ്യക്തിയാണ് പ്രധാനമന്ത്രി നരേന്ദ്ര മോദിയെന്നും അദ്ദേഹത്തിന്റെ ആരാധികയാണ് താനെന്നും രൂപാലി ചടങ്ങിൽ പറഞ്ഞു. ബിജെപിക്കൊപ്പം ചേർന്ന് രാജ്യത്തിന്റെ വികസനത്തിനായി പ്രവർത്തിക്കാനാവുന്നതിൽ തനിക്ക് അഭിമാനമുണ്ട്. പ്രധാനമന്ത്രിയുടെ നേതൃത്വത്തിൽ രാജ്യം വികസനത്തിലേക്ക് കുതിക്കുന്നത്. അതുകൊണ്ടാണ് ബിജെപിയിൽ ചേരുന്നതെന്നും രൂപാലി വ്യക്തമാക്കി.
‘വലിയ വികസനമാണ് ഇന്ത്യയിൽ നടക്കുന്നത്. ഈ വികസനത്തിന്റെ മഹായാഗം കാണുമ്പോൾ അതിൽ പങ്കാളിയാകാൻ ഞാനും ആഗ്രഹിക്കുന്നു. ഞാൻ ചെയ്യുന്നതെല്ലാം നല്ലതാകാനായി എനിക്ക് നിങ്ങളുടെയെല്ലാം അനുഗ്രഹവും പിന്തുണയും ആവശ്യമാണ്’ – അവർ പറഞ്ഞു.
തന്റെ സ്വപ്‌ന സാക്ഷാത്കാരമെന്ന അടിക്കുറിപ്പോടെ കഴിഞ്ഞ മാർച്ചിൽ പ്രധാനമന്ത്രിക്കൊപ്പമുള്ള ചിത്രം രൂപാലി സമൂഹ മാദ്ധ്യമങ്ങളിൽ പങ്കുവച്ചിരുന്നു. രൂപാലിയുടെ ബിജെപി അംഗത്വ വാർത്തകൾ പുറത്തു വന്നതോടെ, ഈ ചിത്രങ്ങൾ വീണ്ടും വൈറലാകുകയാണ്.
Discussion about this post