മുംബൈ: മഹാരാഷ്ട്രയിലെ ഡോംബിവലിയിലെ വ്യവസായ മേഖലയിലെ കെമിക്കൽ ഫാക്ടറിയിൽ വൻ സ്ഫോടനം. സ്ഫോടനത്തിൽ രണ്ട് പേർ മരിച്ചു. 45 പേർക്ക് പരിക്കേറ്റതായാണ് വിവരം. നിരവധി പേരുടെ നില ഗുരുതരമാണെന്ന് അധികൃതർ അറിയിച്ചു. ആംബർ കെമിക്കൽ കമ്പനിയുടെ ബോയിലർ പൊട്ടിത്തെറിക്കുകയായിരുന്നു.
പൊട്ടിത്തെറിയെ തുടർന്നുണ്ടായ പുക കിലോമീറ്ററുകൾ വരെ അകലത്ത് നിന്നും കാണാൻ കഴിഞ്ഞതായാണ് ദൃക്സാക്ഷികൾ പറയുന്നത്. മൂന്ന് കിലോമീറ്ററുകൾ വരെ അകലത്തേക്ക് പൊട്ടിത്തെറിയുടെ ശബ്ദം അനുഭവപ്പെട്ടതായാണ് റിപ്പോർട്ട്. കാബിനറ്റ് മന്ത്രി ഉദയ് സമത് പ്രദേശത്ത് സന്ദർശനം നടത്തി.
മണിക്കൂറുകൾ നീണ്ട പരിശ്രമത്തിനൊടുവിലാണ് ഫയർഫോഴ്സ് ഉദേ്യാഗസ്ഥർ തീയണച്ചത്. ഫാക്ടറിയിൽ കുടങ്ങിക്കിടന്നിരുന്ന തൊഴിലാളികളെ ഫയർഫോഴ്സ് സംഘം പുറത്തെടുത്തു. പ്രദേശത്തെ ഫാക്ടറികളിലേക്കും തീ പടർന്നിരുന്നു. തീപിടുത്തത്തിൽ രാസവസ്തുക്കൾ അടങ്ങിയ ഡ്രമ്മുകൾ പൊട്ടിത്തെറിച്ച് സമീപത്തെ വീടുകൾക്കും കേടുപാടുകൾ സംഭവിച്ചിട്ടുണ്ട്.
Discussion about this post