കൊടും ഭീകരനാണിവൻ കൊടും ഭീകരൻ; ബോധം പോകാൻ ഒസാമ ബിൻ ലാജർ; മതതീവ്രവാദികളുടെ ആരാധ്യപുരുഷനെ കോമഡിപീസാക്കി മദ്യകമ്പനി

ആഘോഷമേതുമായാലും ഒന്ന് ഫിറ്റായി ചില്ലാവണമെന്ന രീതിയിലേക്ക് മാറിയിരിക്കുന്നു മലയാളികളിൽ പലരും. ദിവസം തോറും മദ്യ ഉപഭോഗം വർദ്ധിക്കുന്നത് തന്നെ മലയാളികൾ മുഴുക്കുടിയൻമാരാവുന്നുവെന്ന കാര്യത്തിലേക്ക് വിരൽ ചൂണ്ടുന്നതാണ്. ഇത് മലയാളികളുടെ കാര്യം. എന്നാലീ മദ്യത്തിന്റെ കാര്യം വരുമ്പോൾ മലയാളി തൊഴിലാളി, വിദേശി എന്നൊന്നും ഇല്ല.. ലഹരി എന്നും മനുഷ്യന് ഹരമാണെന്ന് തെളിയിക്കുന്നതാണ് ഇപ്പോൾ സോഷ്യൽ മീഡിയയിൽ ഹിറ്റായി കൊണ്ടിരിക്കുന്ന ഒരു വാർത്തയുടെ ആധാരം.

ഒസാമ ബിൻ ലാജർ എന്ന് പേരിട്ട ബിയർ യുകെയിൽ അതിവേഗം വിറ്റുതീർന്നിരിക്കുന്നു. ബിയർ കുപ്പിക്കു പുറത്ത് 2011 ൽ അമേരിക്ക കൊലപ്പെടുത്തിയ അൽ ഖ്വലയ്ദ ഭീകരൻ ഒസാമ ബിൻ ലാദന്റ ചിത്രവും പേരും വച്ചാണ് പ്രൊഡക്ട് വിൽപനക്കു വച്ചിരിക്കുന്നത്. പ്രൊഡക്ടും പേരും സോഷ്യൽമീഡിയയിൽ ഷെയർ ചെയ്തതോടെ ബിയർ കയറി വൈറലായി.’ഒസാമ ബിൻ ലാഗർ – ഇത് സ്ഫോടനാത്മകമാണ്’ എന്നതാണ് ബ്രൂവറിയുടെ പരസ്യവാചകം. അതിശയകരമായ ബ്രാൻഡ് പേരിൽ ലഹരിപാനീയങ്ങൾ നിർമിക്കുന്ന കന്പനിയാണ് ലിങ്കൺഷെയറിലെ ബ്രൂവറി. കിം ജോംഗ് ആലെ, പുടിൻ പോർട്ടർ എന്നിവ ബ്രൂവറിയുടെ മറ്റു ബിയർ ബ്രാൻഡ് ആണ്. ഇതും യുകെയിലെ ജനപ്രിയ ബിയർ ബ്രാൻഡ് ആണ്.ബിയറിന്റെ പേരും കുപ്പിക്കു പുറത്തെ കാരിക്കേച്ചറും കാണുമ്പോൾ ആളുകൾ തലതല്ലി ചിരിക്കുകയാണെന്നാണ് ഉടമസ്ഥരായ ഈ ദമ്പതികൾ പറയുന്നത്.

സിട്രസിന്റെ രുചിയും മണവുമുള്ള ബിയർ വാങ്ങുന്നതിനായി വൻതിരക്കാണ് അനുഭവപ്പെട്ടിരുന്നത്. തിരക്ക് പതിന്മടങ്ങ് വർധിച്ചതോടെ സ്ഥാപനത്തിന്റെ സഹസ്ഥാപകരായ ലൂക്കും കാതറൈൻ മിഷേലും ഫോണുകൾ ഓഫാക്കി വെച്ചിരിക്കുകയാണ്. കഴിഞ്ഞ ഏതാനും ദിവസങ്ങളിലായി രാവിലെ എഴുന്നേൽക്കുമ്പോൾ ആയിരക്കണക്കിന് നോട്ടിഫിക്കേഷനുകളാണ് ഫോണിൽ കാണുന്നതെന്ന് മിഷേൽ പറഞ്ഞു. കഴിഞ്ഞ 48 മണിക്കൂറായി ഫോൺ താഴെ വയ്ക്കാൻ കഴിഞ്ഞിട്ടില്ലെന്നും അവർ പറയുന്നു. ആവശ്യക്കാരേറി വന്നതോടെ മിച്ചൽ ബ്രൂയിങ്കോ എന്ന കമ്പനിക്ക് വെബ്‌സൈറ്റ് ഷട്ട് ഡൗൺ ചെയ്യേണ്ടി വന്നുവെന്നാണ് വിവരം. കമ്പനി ജീവനക്കാരെല്ലാം ഫോൺകോളുകളുടെ അതിപ്രസരം കാരണം മൊബൈൽ സ്വിച്ച് ഓഫ് ചെയ്തിരിക്കുകയാണ്. ഒസാമ ബിൻ ലാജർ ബിയർ വിറ്റു കിട്ടുന്ന പണത്തിൽ നിന്നും ഒരു പങ്ക് സെപ്റ്റംബർ 11 വേൾഡ് ട്രേഡ് സെന്റർ തീവ്രവാദി ആക്രമണത്തിലെ ഇരകൾക്ക് നൽകുമെന്നും ദമ്പതികൾ കൂട്ടിച്ചേർക്കുന്നു. ലോകത്തിന് ഉപദ്രവം മാത്രം സമ്മാനിച്ച ഭീകരന്റെ പേര് കാരണമെങ്കിലും കുറച്ച് പേരുടെ ജീവിതം പച്ച പിടിക്കുമെങ്കിൽ പിടിക്കട്ടെയെന്നാണ് ആളുകൾ പറയുന്നത്.