ഇന്നത്തെ കാലത്ത് ഏത് പ്രായക്കാരും നേരിടുന്ന ഏറ്റവും വലിയ പ്രശ്നമാണ് നര. സ്ത്രീകളും പുരുഷന്മാരും ഒരുപോലെ ഈ പ്രശ്നം നേരിടാറുണ്ട്. നര കറുപ്പിക്കാൻ ഡൈ ഉപയോഗിക്കുകയാണ് എല്ലാവരും ചെയ്യാറ്. എന്നാൽ, കെമിക്കൽ പ്രൊഡക്ടുകൾ ഉപയോഗിച്ച് ഇത്തരത്തിൽ നര കറുപ്പിക്കുമ്പോൾ നര കൂടുകയാണ് ചെയ്യുക. അതുമാത്രമോ.. ഇങ്ങനെ ഡൈ ചെയ്യണമെങ്കിൽ ഒരാളുടെ സഹായം വേണമെന്നുള്ളതും മറ്റൊരു പ്രശ്നമാണ്.
ഇതിനൊരു പരിഹാരമുണ്ട്. കെമിക്കലുകൾ ഉപയോഗിച്ച് മുടി കേടാക്കാതെ തന്നെ എളുപ്പം നിങ്ങൾക്ക് നര ഇല്ലാതാക്കാൻ സാധിക്കും. വീട്ടിൽ തന്നെയുള്ള ചില സാധനങ്ങൾ കൊണ്ട് വളരെ എളുപ്പത്തിൽ തന്നെ നിങ്ങൾക്കൊരു ഹെയർ ഡൈ സ്പ്രേ തയ്യാറാക്കാം.. ഇതുപയോഗിച്ച് മിനിറ്റുകൾ കൊണ്ട് നിങ്ങൾക്ക് മുടി കറുപ്പിക്കാമെന്ന് മാത്രമല്ല, ഒരു തവണ തയ്യാറാക്കി ഫ്രിഡ്ജിൽ വച്ചാൽ ദിവസങ്ങളോളം നമുക്കിത് ഉപയോഗിക്കാനാകും.
ഈ മാജിക്ക് ഹെയർ ഡൈ സ്പ്രേയ്ക്കായി, ആദ്യം ഒന്നര കപ്പ് വെള്ളത്തിൽ ചായപ്പൊടിയിട്ട്, തിളപ്പിച്ച് മുക്കാൽ ഗ്ലാസായി കുറുക്കിയെടുക്കുക. ശേഷം മിക്സിയുടെ ജാറിലേക്ക് ഒരു പിടി മൈലാഞ്ചി ഇലയിട്ട് കുറച്ച് ചായപ്പൊടി വെള്ളം ചേർത്ത് അരച്ചെടുക്കുക. ഇതിനെ ഒരു ഇരുമ്പ് ചീനച്ചട്ടിയിലേക്ക് മാറ്റി അതിലേയ്ക്ക് ഒരു ടേബിൾ സ്പൂൺ നെല്ലിക്കാ പൊടിയും ബാക്കി വന്ന കട്ടൻചായയും ചേർത്ത് നന്നായി യോജിപ്പിച്ച് ഒരു ദിവസം മുഴുവൻ അടച്ചുവയ്ക്കുക.
അടുത്ത ദിവസം ഇത് അരിച്ചെടുത്ത് ഒരു സ്പ്രേ ബോട്ടിലിൽ ആക്കുക. കുളിക്കുന്നതിന് അര മണിക്കൂർ മുൻപ് മുടിയിലും തലയോട്ടിയിലും സ്പ്രേ ചെയ്തു കൊടുക്കുക. തുടർച്ചയായി എല്ലാ ദിവസവും ഈ സ്പ്രേ ഉപയോഗിക്കുന്നത് നല്ലതാണ്.
Discussion about this post