എറണാകുളം: ആന്റണി പെരുമ്പാവൂരിനൊപ്പം സെൽഫി എടുത്ത് മോഹൻലാൽ. ഹെലികോപ്റ്ററിൽ നിന്നുള്ള ഇരുവരുടെയും സെൽഫി വീഡിയോ ആണ് സമൂഹമാദ്ധ്യമങ്ങളിൽ വൈറൽ ആയിരിക്കുന്നത്. ഇതോടെ ഇരുവരും എങ്ങോട്ടാണെന്ന ചോദ്യവുമായി ആരാധകരും രംഗത്ത് എത്തി.
മോഹൻലാൽ എടുത്ത സെൽഫി വീഡിയോ ആന്റണി പെരുമ്പാവൂരാണ് പുറത്തുവിട്ടത്. ഇൻസ്റ്റഗ്രാമിൽ മോഹൻലാൽ സാറിനൊപ്പം എന്ന തലക്കെട്ടോടെയായിരുന്നു അദ്ദേഹം വീഡിയോ പുറത്തുവിട്ടത്. ഹെലികോപ്റ്ററിൽ പാസഞ്ചർ സീറ്റിൽ ഇരുന്നുകൊണ്ട് ആയിരുന്നു മോഹൻലാൽ വീഡിയോ ദൃശ്യങ്ങൾ പകർത്തിയത്.
ഇരുവരും പൈലറ്റുമാരും മാത്രമായിരുന്നു ഹെലികോപ്റ്ററിൽ ഉണ്ടായിരുന്നത്. ആന്റണി പെരുമ്പാവൂരിനെ കാണിച്ചുകൊണ്ടാണ് വീഡിയോ ആരംഭിക്കുന്നത്. ഹെലികോപ്റ്ററിന് അകവും പുറത്തെ കാഴ്ചകളും വീഡിയോയിലൂടെ മോഹൻലാൽ കാണിച്ച് തരുന്നുണ്ട്.
ഇൻസ്റ്റഗ്രാമിൽ പങ്കുവച്ചതിന് തൊട്ട് പിന്നാലെ തന്നെ നിരവധി പേരാണ് വീഡിയോ കണ്ടത്. സ്വന്തം പ്രൊഫൈലുകളിൽ വീഡിയോ പങ്കുവച്ചവരും നിരവധിയാണ്. എമ്പുരാൻ എന്ന സിനിമയുടെ ലൊക്കേഷനിലേക്കാണോ എന്നാണ് മോഹൻലാലിനോടുള്ള ആരാധകരുടെ പ്രധാന ചോദ്യം.
Discussion about this post