ആലപ്പുഴ: മാന്നാറിൽ പാലത്തിന്റെ മുകളിൽ നിന്നും പമ്പയാറ്റിലേക്ക് ചാടിയ യുവതിയെ കണ്ടെത്താനായില്ല. മാന്നാർ കുരട്ടിക്കാട് പനങ്ങാട്ട് രാധാകൃഷ്ണ പിള്ളയുടെ മകൾ, പരുമല സ്വകാര്യ ആശുപത്രിയിലെ സ്റ്റാഫ് നഴ്‌സായ ചിത്ര (35)യാണ് ആറ്റിൽ ചാടിയത്. യുവതിയ്ക്കായി നാളെയും തിരച്ചിൽ തുടരും.
രാവിലെ 11.30 ഓട് കൂടി പന്നായി പാലത്തിൽ നിന്നും യുവതി പമ്പയാറ്റിലേക്ക് ചാടിയത്. കുടുംബ പ്രശ്‌നത്തെ തുടർന്നാണ് പുഴയിൽ ചാടിയത് എന്നാണ് ബന്ധുക്കൾ പറയുന്നത്. രാവിലെ മുതൽ ചിത്രയെ കാണാനില്ലായിരുന്നു. ഇതേ തുടർന്ന് പോലീസിൽ പരാതി നൽകുകയായിരുന്നു. തുടർന്ന് നടത്തിയ അന്വേഷണത്തിൽ പാലത്തിൽ നിന്നും ഫോണും ചെരുപ്പും കണ്ടെടുത്തു. ഇതോടെയാണ് യുവതി പുഴയിൽ ചാടിയതാണെന്ന് നിഗമനത്തിൽ പോലീസ് എത്തിയത്.
നാട്ടുകാരും, പുളിക്കീഴ് പൊലീസും പത്തനംതിട്ടയിൽ നിന്നുള്ള എൻ.ഡി.ആർ.എഫ് ടീമും സ്‌കൂബ ടീമും സംയുക്തമായായിരുന്നു തിരച്ചിൽ. കനത്ത മഴയെ തുടർന്ന് പമ്പാ നദിയിൽ ജലനിരപ്പ് ഉയർന്നിരുന്നു. ഇത് തിരച്ചിലിനെ പ്രതികൂലമായി ബാധിച്ചെന്ന് പോലീസ് പറഞ്ഞു.
Discussion about this post