ചെന്നൈ: തെന്നിന്ത്യൻ സൂപ്പർ താരം കാർത്തി അഭിനയിക്കുന്ന സർദ്ദാർ 2 വിന്റെ ചിത്രീകരണത്തിനിടെ സംഘട്ടന സഹായിക്ക് ദാരുണാന്ത്യം. ചിത്രീകരണത്തിനിടെ റോപ്പ് പൊട്ടി 20 അടി ഉയരത്തിൽ നിന്ന് വീണാണ് അപകടം. സംഘട്ടന സായി ആയ ഏഴുമലൈ ആണ് മരിച്ചത്.
ചെന്നൈ പ്രസാദ് സ്റ്റുഡിയോയിൽ സംഘട്ടന ചിത്രീകരണത്തിനു മുൻപ് നടത്തിയ പരിശീലനത്തിനിടെയാണ് ദുരന്തം. വീഴ്ചയിൽ ആന്തരിക അവയവങ്ങൾക്കു ക്ഷതമേറ്റതാണു മരണകാരണം. ഷൂട്ടിങ് നിർത്തിവച്ചിരിക്കുകയാണ്. സംഭവത്തിൽ അണിയറപ്രവർത്തകർ പ്രതികരിച്ചിട്ടില്ല.
Discussion about this post