ന്യൂഡൽഹി: എല്ലാ രാജ്യങ്ങൾക്കും തങ്ങളുടെ ഉഭയകക്ഷി ബന്ധങ്ങൾ “താൽപ്പര്യങ്ങളുടെ പരസ്പരബന്ധം” അടിസ്ഥാനമാക്കി തീരുമാനിക്കാനുള്ള “തെരഞ്ഞെടുപ്പിൻ്റെ സ്വാതന്ത്ര്യം” ഉണ്ടെന്ന് വ്യക്തമാക്കി ഭാരതം. പ്രധാനമന്ത്രി നരേന്ദ്ര മോദിയുടെ റഷ്യൻ സന്ദർശനത്തിൻ്റെ പ്രതീകാത്മകതയിലും സമയക്രമത്തിലും രാജ്യം നിരാശരാണെന്ന യുഎസ് ഉദ്യോഗസ്ഥൻ്റെ അഭിപ്രായത്തോട് പ്രതികരിക്കുകയായിരുന്നു രാജ്യം. ഇന്ത്യക്ക് റഷ്യയുമായുള്ള ദീർഘ കാല ബന്ധത്തെ കുറിച്ചും ഭാരതം ഊന്നിപ്പറഞ്ഞു.
“ഇന്ത്യയ്ക്ക് റഷ്യയുമായി പരസ്പര താൽപ്പര്യങ്ങൾ അടിസ്ഥാനമാക്കിയുള്ള ദീർഘകാല ബന്ധമുണ്ടെന്ന് ആൾക്കാർ മനസ്സിലാക്കണം. ഒരു മൾട്ടിപോളാർ ലോകത്ത്, എല്ലാ രാജ്യങ്ങൾക്കും തിരഞ്ഞെടുക്കാനുള്ള സ്വാതന്ത്ര്യമുണ്ട്. അത്തരം യാഥാർത്ഥ്യങ്ങളെ മനസിലാക്കുകയും അഭിനന്ദിക്കുകയും ചെയ്യേണ്ടത് എല്ലാവർക്കും അത്യന്താപേക്ഷിതമാണ്. വിദേശകാര്യ മന്ത്രാലയ വക്താവ് രൺധീർ ജയ്സ്വാൾ മാധ്യമങ്ങളോട് പറഞ്ഞു
