കൂടുമ്പോൾ ഇമ്പമുള്ളതാണല്ലോ കുടുംബം… എന്നാൽ പലപ്പോഴും ചില അഭിപ്രായ വ്യത്യാസങ്ങളും മറ്റും കുടുംബത്തിൽ ഉണ്ടാവാറുണ്ട്. സ്വരചേർച്ചയില്ലായ്മ കുടുംബബന്ധങ്ങളെ ബാധിക്കുകയും ചെയ്യാറുണ്ട്. സോഷ്യൽമീഡിയ ജീവിതത്തിന്റെ ഭാഗമായതോടെ പല കുടുംബപ്രശ്നങ്ങളും അവിടെയും ചർച്ചയ്ക്ക് എത്താറുണ്ട്. തങ്ങളുടെ കുടുംബപ്രശ്നങ്ങൾക്കുള്ള പരിഹാരം തേടി പലരും സോഷ്യൽമീഡിയ സുഹൃത്തുക്കളെയും സമീപിക്കാറുണ്ട്. കുടംുബപ്രശ്നത്തിന് പരിഹാരം തേടിയ ഒരു 27 കാരിയുടെ അനുഭവമാണിപ്പോൾ ചർച്ചയാവുന്നത്.
അഞ്ച് വർഷത്തെ തന്റെ ദാമ്പത്യ ജീവിതം തകർച്ചയുടെ വക്കിലാണെന്ന് യുവതി പറയുന്നു. ഒപ്പം പരസ്പരം പ്രശ്നങ്ങളുണ്ടാകുമ്പോഴെല്ലാം അഭിഭാഷകനായ ഭർത്താവിൻറെ സ്വരം മടുപ്പുളവാക്കുന്നെന്നും യുവതി എഴുതി. വീട്ടിലുള്ള സമയങ്ങളിലെല്ലാം ഭർത്താവിന് തന്നോട് വഴക്കിടാനാണ് താത്പര്യം. അതിനാൽ ഇതിനൊരു പരിഹാരം തേടിയാണ് താൻ കുറിപ്പെഴുതിയെതെന്നും യുവതി പറയുന്നു.
അഭിഭാഷകനായ തന്റെ ഭർത്താവ്, എല്ലാതർക്കങ്ങളും വലിയ പ്രശ്നങ്ങളാക്കി മാറ്റുകയും തന്റെ ഭാഗത്തെ ചെറിയ പ്രശ്നങ്ങൾ പോലും ആഗോള പ്രശ്നങ്ങളാക്കി മാറ്റുകയും ചെയ്യുന്നുവെന്ന് യുവതി പറയുന്നു. ഭർത്താവ് ഉപയോഗിക്കുന്ന ചില പദങ്ങളുടെ അർത്ഥം തനിക്ക് മനസിലാകുന്നില്ലെന്നും അതിനാൽ സ്വയം അപമാനം തോന്നുന്നെന്നും യുവതി കുറിച്ചു. തന്നോട് വഴക്കിടാൻ ഭർത്താവ് അത്തരം വാക്കുകൾ ഉപയോഗിക്കുമ്പോൾ അത് തന്നെ നിരാശപ്പെടുത്തുന്നു. താൻ പൂർണ്ണമായും തകർന്നിരിക്കുന്നുവെന്നും ബലഹീനയാണെന്നും യുവതി ചൂണ്ടിക്കാണിച്ചു.
താൻ അദ്ദേഹത്തെ ഏറെ ഇഷ്ടപ്പെടുന്നുണ്ടെങ്കിലും ബന്ധം മുന്നോട്ട് കൊണ്ട് പോകാൻ കഷ്ടപ്പാടാണെന്നും യുവതി കുറിച്ചു. തങ്ങൾക്കിടയിൽ അർത്ഥവത്തായ ഒരു സംഭാഷണം ആവശ്യമാണെന്നും അദ്ദേഹം കൂട്ടിച്ചേർത്തു.
Discussion about this post