ബറേലി: കഴിഞ്ഞ ഒരുവർഷമായി ഉത്തർപ്രദേശിലെ ബറേലി ഗ്രാമത്തിലെ സ്ത്രീകളുടെ നെഞ്ചിൽ തീയാണ്. അറിയാതെ എങ്ങാനും ഒറ്റയ്ക്ക് യാത്ര ചെയ്താൽ പിന്നീട് ശവശരീരമായിട്ടായിരിക്കും വീട്ടുകാർക്ക് ലഭിക്കുക. ഒറ്റയ്ക്ക് ജോലി ചെയ്യുകയോ വനത്തിൽ പോവുകയോ ചെയ്യുന്ന സ്ത്രീകൾക്കാണ് അത്യാഹിതം ലഭിക്കുക. 42നും 60നും മദ്ധ്യേ പ്രായമുള്ള ഒമ്പത് സ്ത്രീകളാണ് കഴിഞ്ഞ 13 മാസത്തിനിടെ കൊലചെയ്യപ്പെട്ടത്. 2023 ജൂണിനും 2024 ജൂലൈയ്ക്കും ഇടയിലാണ് കൊലപാതകം സംഭവിച്ചത്. ഒടുവിൽ മാസങ്ങൾക്ക് ശേഷം പ്രതിയെ ഉത്തർപ്രദേശ് പോലീസ് കണ്ടെത്തിയിരിക്കുകയാണ്. 38 കാരരനായ കുൽദീപ് കുമാർ ഗാംഗ്വാറാണ് ഈ ക്രൂര കൊലപാതകങ്ങൾക്കെല്ലാം പിന്നിൽ.
മദ്ധ്യവയസ്കരായ സ്ത്രീകളെയാണ് പ്രതി ലക്ഷ്യമിട്ടിരുന്നത്. ഈ സ്ത്രീകളെ ലൈംഗിക ആവശ്യത്തിനായി ഇയാൾ സമീപിക്കും. എതിർക്കുന്നവരെ ഇയാൾ കഴുത്ത് ഞെരിച്ച് കൊല്ലുമെന്നും പോലീസ് വ്യക്തമാക്കി. എന്നാൽ, ഇയാൾ കൊലപ്പെടുത്തിയ സ്ത്രീകളുടെ പോസ്റ്റ്മോർട്ടം റിപ്പോർട്ടിൽ ലൈംഗികാതിക്രമം നടന്നതായി കണ്ടെത്തിയിട്ടില്ല. ഗാംഗ്വാറിന്റെ കയ്യിൽ നിന്നും ഇരകളുടെ തിരിച്ചറിയൽ കാർഡ്, പൊട്ട്, ലിപ്സ്റ്റിക്ക് തുടങ്ങിയ സാധനങ്ങൾ പോലീസ് കണ്ടെടുത്തു.
മൊബൈൽ ഫോണുകളോ സോഷ്യൽ മീഡിയയോ ഉപയോഗിക്കാത്ത ഇയാളെ കണ്ടെത്താൻ പോലീസ് വിവിധ സംഘങ്ങളായി തിരച്ചിൽ നടത്തുകയായിരുന്നുവെന്ന് ബറേലി സീനിയർ പോലീസ് സൂപ്രണ്ട് അനുരാഗ് ആര്യ പറഞ്ഞു.ഗാംഗ്വാറിന്റെ കുട്ടിക്കാലത്തുണ്ടായ അനുഭവമാണ് അയാളെ കൊലപാതകിയാക്കി മാറ്റിയതെന്ന് പൊലീസ് പറഞ്ഞു. പ്രതിയുടെ അമ്മ ജീവിച്ചിരിക്കെ ഇയാളുടെ അച്ഛൻ മറ്റൊരു സ്ത്രീയെ വിവാഹം കഴിച്ചു. തുടർന്ന് രണ്ടാനമ്മയിൽ നിന്നുമുണ്ടായ മാനസിക – ശാരീരിക പീഡനം കാരണം ഇയാൾ മറ്റ് സ്ത്രീകളെ വെറുക്കാൻ തുടങ്ങി
Discussion about this post