തിരുവനന്തപുരം: ഹേമ കമ്മിറ്റി റിപ്പോർട്ടിലെ പവർഗ്രൂപ്പ് പരാമർശം സത്യമാണെന്ന് നടി ഷക്കീല. പവർ ഗ്രൂപ്പ് എന്നത് ഇന്നുള്ള ഒന്നല്ല. പണ്ട് കാലം മുതൽക്കേ മലയള സിനിമയിൽ പവർഗ്രൂപ്പ് ഉണ്ട്. മോഹൻലാലും മമ്മൂട്ടിയും ആയിരുന്നു ഈ പവർഗ്രൂപ്പ് എന്നും ഷക്കീല കൂട്ടിച്ചേർത്തു.
പണ്ട് കാലം മുതൽ തന്നെ സിനിമാ മേഖലയിൽ പവർഗ്രൂപ്പ് ഉണ്ട്. മോഹൻലാലും മമ്മൂട്ടിയും ആണ് പവർഗ്രൂപ്പ്. ഇന്ന് ഈ ഗ്രൂപ്പിൽ മുകേഷും ഉണ്ട് എന്നാൽ മെയിൻ പർഗ്രൂപ്പ് മോഹൻലാലും മമ്മൂട്ടിയും ആണെന്നും ഷക്കീല പറഞ്ഞു. മലയാളത്തിൽ മാത്രമല്ല അന്യഭാഷാ സിനിമകളിലും പവർഗ്രൂപ്പ് ഉണ്ടെന്നും ഷക്കീല വ്യക്തമാക്കി.
പണ്ട് കാലത്ത് വസ്ത്രം മാറാൻ സ്ഥലം ഇല്ലായിരുന്നു. അതുകൊണ്ട് തന്നെ മലയുടെയും പുഴയുടെയും അരികിൽ നിന്നായിരുന്നു വസ്ത്രം മാറിയിരുന്നത്. എന്നാൽ ഇന്ന് കാരവൻ ഉണ്ട്. അതിൽ വസ്ത്രം മാറൽ മാത്രമാണോ ഇന്ന് നടക്കുന്നത്. അല്ല. ഡിന്നർ നടക്കും സെക്‌സും നടക്കും.
മീടുവിനോട് ശക്തമായി വിയോജിക്കുന്നു.അതിക്രമം ഉണ്ടായി വർഷങ്ങൾ കഴിഞ്ഞ് ആരോപണം ഉയർത്തുന്നത് ശരിയല്ല. ഉപദ്രവിക്കാൻ ആരെങ്കിലും വന്നാൽ ചെരിപ്പൂരി അടിക്കണം. എല്ലാ ഭാഷയിലും സിനിമകളിൽ സ്ത്രീകൾ ചൂഷണം നേരിടുന്നു. എല്ലാ സംസ്ഥാനങ്ങളിലും കമ്മീഷനുകൾ വന്നാലും ഇത് മാറാൻ പോകുന്നില്ല. നടന്മാരെ ജയിലിൽ അടച്ചാൽ മാത്രമേ പ്രശ്‌നങ്ങൾക്ക് പൂർണപരിഹാരം ഉണ്ടാകുകയുള്ളൂവെന്നും ഷക്കീല വിശദമാക്കി.
Discussion about this post