തിരുവനന്തപുരം: പുതിയ ചീഫ് സെക്രട്ടറിയായി ശാരദാ മുരളീധരൻ ഐഎഎസ് ഇന്ന് ചുമതലയേൽക്കും. മുൻ ചീഫ് സെക്രട്ടറി ഡോ. വി വേണു വിരമിച്ച ഒഴിവിലേക്കാണ് ശാരദാ മുരളീധരന്റെ നിയമനം. ഭർത്താവ് വിരമിച്ച ഒഴിവിലേക്കാണ് ശാരദ മുരളീധരൻ ചുമതലയേൽക്കുന്നത്. അതേ സമയം വേണു വിരമിച്ചതിന് പിന്നാലെ ഐഎഎസ് തലപ്പത്ത് മാറ്റമുണ്ടായിട്ടുണ്ട്.
ഡോ. വി. വേണുവിന് ഇന്നലെ യാത്രയയപ്പ് നൽകി. ഇന്ന് അധികാരമേൽക്കുന്ന ശാരദാ മുരളീധരൻ അടുത്ത വർഷം ഏപ്രിൽവരെ ചുമതലയിൽ തുടരും. ഭർത്താവ് വിരമിച്ച ചീഫ് സെക്രട്ടറി സ്ഥാനത്ത് ഭാര്യ അധികാരമേൽക്കുന്നത് കേരളത്തിൽ ആദ്യ സംഭവം ആണ്.
ഡോ. വേണു വിരമിച്ചതിന് പിന്നാലെ ആഭ്യന്തര വകുപ്പ് സെക്രട്ടറി ബിശ്വനാഥ് സിൻഹയ്ക്ക് ജലവകുപ്പിന്റെ അധിക ചുമതല നൽകി. ശ്രീറാം വെങ്കിട്ടരാമന് കേരള ഫിനാൻഷ്യൽ കോർപ്പറേഷന്റെ പൂർണ അധിക ചുമതലയും നൽകി. വീണ എൻ മാധവന് ഭരണ നവീകരണ വകുപ്പിന്റെയും കെ. ഗോപാലകൃഷ്ണന് വ്യവസായ വകുപ്പ് ഡയറക്ടറുടെയും അധിക ചുമതല നൽകിയിട്ടുണ്ട്. എം.ഡി ജീവൻ ബാബുവിനെ വാട്ടർ അതോറിറ്റിയുടെ പുതിയ എംഡിയായി നിയമിച്ചു.
Discussion about this post