എറണാകുളം: സിനിമാ സെറ്റിൽവച്ച് യുവതിയെ പീഡിപ്പിച്ച കേസിൽ സഹസംവിധായകൻ അറസ്റ്റിൽ. പൃഥ്വിരാജ്- മോഹൻലാൽ ചിത്രം ബ്രോ ഡാഡിയുടെ സഹ സംവിധായകൻ ആയ മൻസൂർ റഷീദ് ആണ് അറസ്റ്റിലായത്. കോടതിയിൽ ഹാജരാക്കിയ ഇയാളെ 14 ദിവസത്തേയ്ക്ക് റിമാൻഡ് ചെയ്തു.
കഴിഞ്ഞ ദിവസം ഇയാൾ ഹൈദരാബാദിലെ കുക്കട്പള്ളി കോടതിയിൽ കീഴടങ്ങുകയായിരുന്നു. നിലവിൽ സംഗറെഡ്ഡി ജില്ലയിലെ കൺടി ജയിലിൽ ആണ് മൻസൂർ റഷീദ് ഉള്ളത്. നിലവിൽ മറ്റൊരു ചിത്രത്തിൽ സഹ സംവിധായകനാണ് ഇയാൾ.
സിനിമാ ലൊക്കേഷനിൽവച്ച് മയക്കുമരുന്ന് നൽകി മൻസൂർ റഷീദ് പീഡിപ്പിച്ചുവെന്നാണ് യുവതിയുടെ പരാതി. ഇതിൽ പോലീസ് കേസ് എടുത്തതിന് പിന്നാലെ ഇയാൾ ഒളിവിൽ പോകുകയായിരുന്നു. സംഭവത്തിൽ മുൻകൂർ ജാമ്യം തേടി ഇയാൾ തെലങ്കാന ഹൈക്കോടതിയെ വരെ സമീപിച്ചിരുന്നു. എന്നാൽ കോടതി ജാമ്യം നിഷേധിക്കുകയായിരുന്നു. ഇതോടെയാണ് കോടതിയിൽ കീഴടങ്ങിയത്.
മൻസൂർ റഷീദിനെതിരെ ഗുരുതരമായ ആരോപണങ്ങൾ ആണ് യുവതി ഉയർത്തിയത്. പീഡനത്തിന് ഇരയായ വിവരം അപ്പോൾ തന്നെ മറ്റ് അണിയറ പ്രവർത്തകരെ അറിയിച്ചിരുന്നു. എന്നാൽ ആരും വേണ്ടത്ര പ്രധാന്യം നൽകിയില്ല. മാത്രമല്ല എമ്പുരാൻ എന്ന ചിത്രത്തിന്റെ ഭാഗമാക്കി. പ്രാദേശിക പാർട്ടിയുടെ സഹായത്തോടെ തനിക്കെതിരെ ദുഷ്പ്രചാരണങ്ങൾ നടത്തി. തന്റെ കുടുംബ ജീവിതം തകർത്തുവെന്നും യുവതി വ്യക്തമാക്കിയിരുന്നു.
Discussion about this post