ജോലിയുടെ ആവശ്യത്തിനും പഠനാവശ്യത്തിനും എല്ലാമായി നമ്മളിൽ പലരും സ്വന്തം നാട് വിട്ട് അന്യദേശങ്ങളിൽ ചെന്ന് താമസിക്കാറുണ്ടല്ലേ. ഈ സമയത്ത് വല്ല ഹോസ്റ്റലുകളോ വീട് വാടകയ്ക്ക് എടുത്തോ ആവും നമ്മൾ താമസിക്കുക. നല്ല അയൽക്കാർ ഉണ്ടെങ്കിൽ അന്യനാട്ടിലെ നമ്മുടെ താമസസ്ഥലവും നമുക്ക് പ്രിയപ്പെട്ടതാവും. എ
എന്നാൽ ഷെജിയാങ് പ്രവിശ്യയിലെ ഒരു റെസിഡൻഷ്യൽ ബ്ലോക്കിന്റെ രണ്ടാം നിലയിൽ താമസിക്കുന്ന ഷാങിന്റെ അവസ്ഥ ഇത്തിരി ദയനീയം ആണ്. ഒന്നാം നിലയിൽ താമസിക്കുന്ന വാങ്ങ് എന്ന യുവതിയാണ് ഷാങിന്റെ പ്രശ്നം. ഷാങിന്റെ വീട്ടിൽ നിന്നുള്ള ശബ്ദങ്ങൾ പ്രത്യേകിച്ച് രാത്രി സമയങ്ങളിൽ തന്നെ വളരെയധികം അലോസരപ്പെടുത്തുന്നുണ്ടെന്നും അതിനാൽ അത്തരത്തിലുള്ള ഒരു ശബ്ദവും മുകളിലത്തെ നിലയിൽ നിന്നും ഉണ്ടാക്കാൻ പാടില്ല എന്നുമാണ് വാങ് തൻറെ അയൽവാസിയായ ഷാങ്ങിനോട് ആവശ്യപ്പെട്ടത്.
അയൽക്കാരി തന്നോട് ആവശ്യപ്പെട്ടതനുസരിച്ച് തൻറെ ഫ്ലാറ്റിൽ നിന്നും പുറത്തുവരുന്ന ശബ്ദം പരമാവധി കുറയ്ക്കാൻ താൻ ശ്രമിച്ചു എന്നാണ് ഷാങ്ങ് പറയുന്നത്. ഇതിനായി പുറത്തേക്ക് ഒട്ടും ശബ്ദം വരാതിരിക്കാൻ വീട് മുഴുവൻ പരവതാനി വിരിച്ചുവെന്നും ഷാങ് കൂട്ടിച്ചേർത്തു. എന്നാൽ പല്ലു തേക്കുക, കുളിക്കുക അബദ്ധത്തിൽ പാത്രങ്ങൾ താഴെ വീഴുക തുടങ്ങിയ കാര്യങ്ങൾക്കെല്ലാം തന്റെ അയൽക്കാരി ഇപ്പോൾ പരാതി പറയുകയാണെന്നാണ് ഇദ്ദേഹം പറയുന്നത്. കൂടാതെ, രാത്രി 10 മണിക്ക് ശേഷം ടോയ്ലറ്റ് ഉപയോഗിക്കാൻ പാടില്ലെന്ന് അവർ ആവശ്യപ്പെട്ടതായും ഷാങ്ങ് പറഞ്ഞു.
വാങ്ങിനെതിരെ നിരവധി തവണ ഷാങ് പരാതി നൽകുകയും പോലീസ് ഉദ്യോഗസ്ഥരുടെ മധ്യസ്ഥതയിൽ ചർച്ച നടത്തുകയും ചെയ്തെങ്കിലും യാതൊരു ഫലവും ഉണ്ടായില്ല. ഒടുവിൽ ഇയാൾ തൻറെ ഫ്ലാറ്റ് മാറി മറ്റൊരു ഫ്ലാറ്റിലേക്ക് താമസമായി. ഷാങ് തന്റെ ഫ്ലാറ്റ് വാടകയ്ക്ക് നൽകിയിട്ടായിരുന്നു മറ്റൊരു ഫ്ലാറ്റിലേക്ക് മാറി താമസിച്ചത്. പുതിയതായി താമസിക്കാൻ എത്തിയവർക്കും വാങിന്റെ നിർദ്ദേശങ്ങൾ സഹിക്കാതെ ആയതോടെ പരാതിയുമായി ഇദ്ദേഹം കോടതിയെ സമീപിച്ചു കോടതി ഷാങിന് അനുകൂലമായി വിധി പുറപ്പെടുവിക്കുകയും അയാൾക്ക് നഷ്ടപരിഹാരമായി 2750 ഡോളർ നൽകാൻ യുവതിയോട് ഉത്തരവിടുകയും ചെയ്തു.
Discussion about this post