ജയ്പൂര് :ഓടിക്കൊണ്ടിരുന്ന ട്രെയിനിനുള്ളിലെ ടോയ്ലറ്റില് വച്ച് യുവതി പ്രസവിച്ചു. ടോയ്ലറ്റിനുള്ളിലൂടെ റയില്വേ ട്രാക്കില് വീണ കുഞ്ഞ് അത്ഭുതകരമായി രക്ഷപ്പെട്ടു. ഭര്ത്താവിനും അമ്മയ്ക്കുമൊപ്പം സൂരത്ത്ഗഡില് നിന്ന് ഹനുമാന്ഗഡിലേക്ക്ട്രെയിനില് യാത്ര ചെയ്യുകയായിരുന്നു 22കാരിയായ മനു എന്ന യുവതിയും കുഞ്ഞുമാണ് രക്ഷപ്പെട്ടത്.
ട്രെയിനില് യാത്ര ചെയ്യുന്നതിനിടെ പെട്ടെന്ന് പ്രസവ വേദനയുണ്ടായതിനെത്തുടര്ന്ന് ടോയ്ലറ്റില് പോയ യുവതി അവിടെ വച്ച് പ്രസവിക്കുകയും തുടര്ന്ന് ടോയ്ലറ്റില് ബോധം കെട്ടു വീഴുകയായിരുന്നു. ഇതിനിടെ കുഞ്ഞ് ട്രാക്കിലേക്ക് വഴുതി വീഴുകയായിരുന്നു.മനുവിനെ കാണാത്തതിനെ തുടര്ന്ന് അന്വേഷിച്ച് ചെന്ന ബന്ധുക്കള് യുവതിയെ ടോയ്ലറ്റില് ബോധരഹിതായി കിടക്കുന്നതാണ് കണ്ടത്.തുടര്ന്ന് കുടുംബാംഗങ്ങള് ഉടന് തന്നെ യുവതിയെ ആശുപത്രിയില് പ്രവേശിപ്പിച്ചു.
നാട്ടുകാരിലൊരാള് കുഞ്ഞിന്റെ കരച്ചില് കേട്ട് നടത്തിയ തിരച്ചിലിലാണ് റയില്വേ ട്രാക്കില് കുഞ്ഞിനെ കണ്ടെത്തിയത്. ഉടന് തന്നെ കുഞ്ഞിനെ ആശുപത്രിയില് എത്തിച്ചു. അമ്മയും കുഞ്ഞും അപകടനില തരണം തരണം ചെയ്തതായി പൊലീസ് പറഞ്ഞു.
Discussion about this post