അടുത്തറിയാം അസൂയയെ; വെറുമൊരു വികാരമല്ല, മാനസികരോഗമോ?; പിന്നിലെ കാരണങ്ങൾ ഒട്ടനവധി

അസൂയയ്ക്കും കഷണ്ടിയ്ക്കും മരുന്നില്ല..കാലങ്ങളായി നാം കേൾക്കുന്ന ഒരുവാക്കാണിത്. പരിഹാരം കാണാൻ സാധിക്കാത്തത് എന്ന അർത്ഥത്തിലാണ് ഈ പദം നമ്മൾ ഉപയോഗിക്കുന്നത്. ശരിക്കും അസൂയ ഒരു രോഗമാണോ? അല്ലെങ്കിൽ രോഗാവസ്ഥയോ വികാരമോ എന്താണെന്ന് കൃത്യമായി അറിയാമോ?

അവനവന്റെ കുറവുകളെ കുറിച്ചും പോരായ്മകളെക്കുറിച്ചുമുള്ള അപകർഷതാബോധം എന്നിവയാണ് അസൂയയ്ക്ക് കാരണമാകുന്നത്. നിങ്ങൾക്ക് ഇഷ്ടപ്പെട്ട വസ്തു,അല്ലെങ്കിൽ ആൾ,സൗകര്യം എന്നിവ മറ്റൊരാളുടെ കൈവശം ഉള്ളത് കാണുമ്പോൾ ഉള്ള ഒരു ദേഷ്യം,അസഹിഷ്ണുതയാണ് അസൂയയാണ്. എനിക്കെന്തൊക്കെയോ ഇല്ലായെന്ന തോന്നലും ഉണ്ടെങ്കിൽ തന്നെയും മതിയാവോളമില്ലെന്ന തോന്നലും ചേർന്ന അപര്യാപ്തയാണ് അസൂയയുടെ ഉറവിടമെന്ന് സാരം.

അസൂയ തോന്നുന്നത് സ്വാഭാവികമായ ഒരു വികാരമാണെന്നാണ് മനശാസ്ത്രജ്ഞന്മാർ പറയുന്നത്. ലിംഗഭേദമോ പ്രായവ്യത്യാസമോ ഇല്ല.ആറ്മാസം പ്രായമായ കുഞ്ഞുങ്ങൾ വരെ അസൂയയുടെ ലക്ഷണങ്ങൾകാണിക്കുന്നു. അസൂയ തോന്നിയ വ്യക്തിയുടെയോവസ്തുവിന്റെയോ നാശം ആഗ്രഹിക്കുമ്പോൾ അത് അപകടകരമാകുന്നു. ചില സാഹചര്യങ്ങളിൽ ചെറുതും വലുതുമായ പല അക്രമങ്ങളുടെ അടിസ്ഥാന കാരണവും അസൂയ തന്നെയാണ്.

പരിണാമ സിദ്ധാന്തം

പരിണാമ മനഃശാസ്ത്രജ്ഞർ വിശ്വസിക്കുന്നത്, ആക്രമണോത്സുകത അല്ലെങ്കിൽ പങ്കാളിയോട് കൂടുതൽ ജാഗ്രത പുലർത്തുന്നത് പോലുള്ള ഇണയെ സംരക്ഷിക്കുന്ന സ്വഭാവങ്ങളെ പ്രചോദിപ്പിക്കുന്നതിനുള്ള ഒരു മാർഗമായാണ് അസൂയ പരിണമിച്ചതത്രേ. അസൂയ നിയന്ത്രണവിധേയമാക്കാൻ സാധിക്കാത്തവർക്കും അത് അപകടകരമായ പ്രവൃത്തികൾക്കും കാരണമാകുമ്പോൾ മാനസികരോഗമായി മാറുന്നു.

അസൂയയുടെ അവസ്ഥയിൽ പ്ലാസ്മ ടെസ്റ്റോസ്റ്റിറോണിന്റെയും കോർട്ടിസോളിന്റെയും സാന്ദ്രത കൂടുതലാണെന്നാണ് പഠനങ്ങൾ പറയുന്നത്. നമുക്ക് അസൂയ തോന്നുമ്പോൾ, കോപം, സങ്കടം തുടങ്ങിയ നെഗറ്റീവ് വികാരങ്ങളുമായി ബന്ധപ്പെട്ട ആന്റീരിയർ സിങ്ഗുലേറ്റ് കോർട്ടക്‌സ് പോലുള്ള ഭാഗങ്ങളെ മസ്തിഷ്‌കം സജീവമാക്കുന്നു. ഈ വൈകാരിക പ്രതികരണം കോർട്ടിസോൾ പോലുള്ള സ്‌ട്രെസ് ഹോർമോണുകളുടെ പ്രവർത്തനത്തിന് കാരണമാകും , ഇത് ദീർഘകാലാടിസ്ഥാനത്തിൽ അനുഭവപ്പെട്ടാൽ ദോഷകരമാകും.

അസൂയയ്ക്കുള്ള ഫലപ്രദമായ ചികിത്സയാണ് സൈക്കോതെറാപ്പി . വേദനാജനകമായ വികാരങ്ങൾ പ്രോസസ്സ് ചെയ്യുന്നതിനും അവരുടെ പെരുമാറ്റത്തെ ബാധിക്കുന്ന നെഗറ്റീവ്, ദോഷകരമായ ചിന്തകൾ പുനഃക്രമീകരിക്കുന്നതിനും ഒരു തെറാപ്പിസ്റ്റുമായി പ്രവർത്തിക്കുന്നത് അസൂയ അനുഭവിക്കുന്ന ഒരു വ്യക്തിക്ക് പ്രയോജനം ചെയ്‌തേക്കാം.

അസൂയയുള്ള സമയത്ത് തലച്ചോറിലെ മാറ്റങ്ങൾ

1. അമിഗ്ഡാല: വൈകാരിക തീവ്രതയും ഭീഷണി പ്രതികരണവും പ്രോസസ്സ് ചെയ്യുന്നു.
2. ഇൻസുല: വൈകാരിക നിയന്ത്രണം, സഹാനുഭൂതി, ഇടപെടൽ എന്നിവയിൽ ഉൾപ്പെടുന്നു.
3. ആന്റീരിയർ സിംഗുലേറ്റ് കോർട്ടെക്‌സ് (എസിസി): പിശക് കണ്ടെത്തൽ, വൈരുദ്ധ്യ നിരീക്ഷണം, സാമൂഹിക വിലയിരുത്തൽ എന്നിവ നിയന്ത്രിക്കുന്നു.
4. പ്രീഫ്രോണ്ടൽ കോർട്ടെക്‌സ് (PFC): തീരുമാനമെടുക്കൽ, പ്രേരണ നിയന്ത്രണം, വൈകാരിക മോഡുലേഷൻ എന്നിവ കൈകാര്യം ചെയ്യുന്നു.
5. ന്യൂക്ലിയസ് അക്കുമ്പൻസ് (NAcc): പ്രതിഫലം, പ്രചോദനം, അറ്റാച്ച്‌മെന്റ് എന്നിവയുമായി ബന്ധിപ്പിച്ചിരിക്കുന്നു.
6. ഹൈപ്പോതലാമസ്: വൈകാരിക പ്രതിപ്രവർത്തനത്തെയും സമ്മർദ്ദ പ്രതികരണത്തെയും നിയന്ത്രിക്കുന്നു.
7. സുപ്പീരിയർ ടെമ്പറൽ സൾക്കസ് (എസ്ടിഎസ്): സാമൂഹിക അറിവും മനസ്സിന്റെ സിദ്ധാന്തവും പ്രോസസ്സ് ചെയ്യുന്നു.