ബീജിംഗ്: ചൈനയിലെ പള്ളികളിൽ ക്രിസ്തീയ ദൈവങ്ങളെ വിലക്കി ഭരണകൂടം. പള്ളികളിലെ യേശുവിന്റെയും മാതാവ് മറിയത്തിന്റെയും, പ്രതിമകളും ചിത്രങ്ങളും എടുത്തുമാറ്റി പകരം ചൈനീസ് കമ്യൂണിസ്റ്റ് നേതാവായ മാവോയുടെയും ഇപ്പോഴത്തെ ഭരണാധികാരി ഷീ ജിൻ പിങ്ങിന്റെയും ചിത്രങ്ങളാണ് പ്രതിഷ്ഠിച്ചിരിക്കുന്നത്. പള്ളികളിൽ കുരിശും വിലക്കിയിട്ടുണ്ട്. മതത്തിന്റെ മേൽ സമ്പൂർണ നിയന്ത്രണം ചെലുത്താനും കത്തോലിക്കാ,പ്രൊട്ടസ്റ്റന്റ് ക്രിസ്ത്യാനിറ്റികളെയും ക്ഷയിപ്പിക്കാനും ലക്ഷ്യമിട്ടാണ് ഈ നീക്കം. പള്ളികളിൽ നിന്ന് കുരിശുകൾ നീക്കം ചെയ്യാനും യേശു ക്രിസ്തുവിന്റെയോ കന്യാമറിയത്തിന്റെയോ ചിത്രങ്ങൾ ഒഴിവാക്കാനും ഉത്തരവിട്ടിട്ടുണ്ട്. പള്ളികളുടെ പ്രവേശനകവാടങ്ങളിൽ ചൈനീസ് കമ്യൂണിസ്റ്റ് പാർട്ടി മുദ്രാവാക്യങ്ങൾ പ്രദർശിപ്പിക്കാനും ഉത്തരവിൽ പറയുന്നു. ചൈനീസ് കമ്യൂണിസ്റ്റുപാർട്ടി പ്രത്യയശാസ്ത്രം പ്രസംഗിക്കാൻ പുരോഹിതർക്ക് നിർദ്ദേശം നൽകിയിട്ടുണ്ട്.
ക്രിസ്ത്യൻ വിശ്വാസികളോട് അവരുടെ വീടുകളിൽ നിന്ന് കുരിശുകളും മറ്റ് മതപരമായ എല്ലാം നീക്കം ചെയ്യാനും ഉത്തരവിട്ടിട്ടുണ്ടെന്നും റിപ്പോർട്ടുകളുണ്ട്.. “മതത്തിൽ വിശ്വസിക്കുന്നവരെ പാർട്ടിയിലെ വിശ്വാസികളാക്കി മാറ്റുക” എന്നതാണ് ലക്ഷ്യം. അടിസ്ഥാനപരമായി, ആളുകൾ സഹായത്തിനായി യേശുവിനെ സമീപിക്കുന്നത് നിർത്തണമെന്നും പകരം സഹായത്തിനായി അവരുടെ നേതാക്കളിലേക്ക് തിരിയണമെന്നും സർക്കാർ ആഗ്രഹിക്കുന്നു. യുകന്യൂസ് പറയുന്നതനുസരിച്ച്, ജിയാങ്സി പ്രവിശ്യയിലെ ഈ പ്രദേശവാസികളോട് തങ്ങളുടെ മതപരമായ ചിത്രങ്ങൾ പ്രസിഡൻ്റ് ഷിയുടെ പോസ്റ്ററുകൾ ഉപയോഗിച്ച് മാറ്റിസ്ഥാപിച്ചാൽ അവർക്ക് ദാരിദ്ര്യ നിവാരണ സഹായം നൽകുമെന്ന് പറഞ്ഞിരുന്നു. എന്നാലിത് പാർട്ടി നിഷേധിച്ചു. ചിലർ തങ്ങളുടെ രോഗങ്ങൾ ഭേദമാക്കാൻ യേശുവിൽ വിശ്വസിച്ചു. പക്ഷേ, അസുഖം വരുന്നത് ശാരീരികമായ ഒരു കാര്യമാണെന്നും അവരെ ശരിക്കും സഹായിക്കാൻ കഴിയുന്നത് കമ്മ്യൂണിസ്റ്റ് പാർട്ടിയും ജനറൽ സെക്രട്ടറി സിയും ആണെന്നും ഞങ്ങൾ അവരോട് പറയാൻ ശ്രമിച്ചുവെന്നാണ് പ്രാദേശിക പാർട്ടി നേതാവിൻ്റെ വാദം. “പല ഗ്രാമീണരും അജ്ഞരാണ്. ദൈവം തങ്ങളുടെ രക്ഷകനാണെന്ന് അവർ കരുതുന്നു. ഞങ്ങളുടെ കേഡർമാരുടെ ജോലിക്ക് ശേഷം, അവർ അവരുടെ തെറ്റുകൾ മനസ്സിലാക്കുകയും ചിന്തിക്കുകയും ചെയ്യും: നമ്മൾ ഇനി യേശുവിനെ ആശ്രയിക്കരുത്, സഹായത്തിനായി പാർട്ടിയെ ആശ്രയിക്കണമെന്ന് നേതാവ് കൂട്ടിച്ചേർത്തു.
മതവിഭാഗങ്ങൾക്ക് മേൽ പിടിമുറുക്കാൻ ചൈനയിലെ കമ്യൂണിസ്റ്റ് ഭരണകൂടം കാര്യമായ രീതിയിൽ ശ്രമം നടത്തുന്നുണ്ടെന്നാണ് റിപ്പോർട്ടുകളിൽ നിന്ന് വ്യക്തമാക്കുന്നത്. നേരത്തെ മുസ്ലീം പള്ളികൾ തകർക്കുകയും ചിലത് അടച്ചുപൂട്ടുകയും ചെയ്തിരുന്നു.
അതേസമയം മധ്യകാലഘട്ടത്തിന്റെ ആരംഭം മുതൽ ക്രിസ്തുമതം ചൈനയിൽ ഉണ്ടായിരുന്നു , ആധുനിക കാലഘട്ടത്തിന്റെ തുടക്കത്തിൽ രാജ്യത്ത് ഒരു പ്രധാന സാന്നിധ്യമായി മാറി.ചൈനയിൽ ഏറ്റവും വേഗത്തിൽ വളരുന്ന മതം ക്രിസ്തുമതമാണെന്ന് കണക്കുകൾ പറയുന്നു.1949 ന് മുമ്പ് ഏകദേശം 4 ദശലക്ഷം (3 ദശലക്ഷം കത്തോലിക്കരും 1 ദശലക്ഷം പ്രൊട്ടസ്റ്റന്റുകാരും) ഉണ്ടായിരുന്നു. 2000കളുടെ തുടക്കത്തിൽ, ഏകദേശം 38 ദശലക്ഷം പ്രൊട്ടസ്റ്റന്റുകളും 10-12 ദശലക്ഷം കത്തോലിക്കരും ഉണ്ടായിരുന്നു.
ഭൂരിഭാഗവും മതപരമായ ആചാരങ്ങൾ ഭരണകൂടത്തിന്റെ കർശന നിയന്ത്രണത്തിലാണ് പീപ്പിൾസ് റിപ്പബ്ലിക് ഓഫ് ചൈനയും മതത്തെ ശക്തമായി നിയന്ത്രിക്കുന്നു, കൂടാതെ 2018 മുതൽ ക്രിസ്ത്യാനിറ്റിയെ പാപവൽക്കരിക്കുന്ന നയം കൂടുതലായി നടപ്പിലാക്കിയിട്ടുണ്ട്. 18 വയസ്സിന് മുകളിലുള്ള ചൈനീസ് പൗരന്മാർക്ക് രാജ്യത്തിന്റെ നിയന്ത്രണത്തിലുള്ള മൂന്ന് ഗ്രൂപ്പുകളിൽ ഒന്നിൽ രജിസ്റ്റർ ചെയ്തിട്ടുള്ള ക്രിസ്ത്യൻ ഗ്രൂപ്പുകളിൽ ചേരാൻ മാത്രമേ അനുവാദമുള്ളൂ.
