ഒരു മെസേജിങ് ആപ്ലിക്കേഷന്‍ മാത്രമല്ല ടെലഗ്രാം. വിവിധ ആവശ്യങ്ങള്‍ക്കായി ഉപയോഗിക്കാനാവുന്ന ഇത് ഫീച്ചറുകളുടെ കാര്യത്തില്‍ എപ്പോഴും വാട്സാപ്പിന് മുന്നില്‍ തന്നെയാണ്. ഇപ്പോഴിതാ ഒരു വന്‍ പ്രഖ്യാപനം നട്ത്തിയിരിക്കുകയാണ് ടെലഗ്രാം സ്ഥാപകനും മേധാവിയുമായ പാവെല്‍ ദുരോവ്. ടെലഗ്രാം ഒരു വീഡിയോ പ്ലാറ്റ്ഫോം ആയി മാറുന്നതിന്റെ ആദ്യ ചുവടുവെച്ചിരിക്കുന്നു എന്നാണ് പ്രഖ്യാപനം.
നേരത്തെ . പലപ്പോഴും ഗിഗാബൈറ്റുകള്‍ വരുന്ന വീഡിയോ ഫയലുകള്‍ ഉപഭോക്താവിന് ഡൗണ്‍ലോഡ് ചെയ്യേണ്ടതായി വന്നിരുന്നു.
എന്നാല്‍ ഇനി മുതല്‍ ടെലഗ്രാമില്‍ പങ്കുവെക്കുന്ന വീഡിയോകള്‍ സുഗമമായ സ്ട്രീമിങിന് അനുയോജ്യമായ വിധത്തില്‍ വിവിധ ക്വാളിറ്റി ഓപ്ഷനുകളില്‍ ലഭ്യമാക്കും. ഇതിനായി അപ്ലോഡ് ചെയ്യുന്ന വീഡിയോകള്‍ ടെലഗ്രാം ആവശ്യാനുസരണം കംപ്രസ് ചെയ്യും. സ്പീഡിന് അനുസരിച്ച് സുഗമമായി വീഡിയോ സ്ട്രീം ചെയ്യുന്നതിന് അനുയോജ്യമായ ക്വാളിറ്റി ടെലഗ്രാം തന്നെ ഓട്ടോമാറ്റിക് ആയി തിരഞ്ഞെടുക്കും. മീഡിയം, ഹൈ, ഫുള്‍ എച്ച്ഡി ക്വാളിറ്റി ഉപഭോക്താവിന്റെ ഇഷ്ടാനുസരണം മാന്വലായി തിരഞ്ഞെടുക്കാനും സൗകര്യമുണ്ടാവും.
പ്ലേ ബാക്ക് വേഗം ക്രമീകരിക്കുന്നതിനുള്ള പുതിയ ജെസ്റ്റര്‍ കണ്‍ട്രോളും ടെലഗ്രാം അവതരിപ്പിച്ചിട്ടുണ്ട്. വീഡിയോ പ്ലെയറിന്റെ വലത് ഭാഗത്ത് വിരല്‍ ഹോള്‍ഡ് ചെയ്ത് വെച്ചാല്‍ പ്ലേബാക്ക് വേഗം 1.5 x ആയി വര്‍ധിക്കും. തുടര്‍ന്ന് വലത്തോട്ട് വിരല്‍ സ്ലൈഡ് ചെയ്യുന്നതിനനുസരിച്ച് 2.5x വരെ വേഗം വര്‍ധിപ്പിക്കാം.
ഒരു ടെക്സ്റ്റ് സന്ദേശത്തിനൊപ്പം മീഡിയാ ഫയല്‍ അയക്കാന്‍ മറന്നുപോയാല്‍. പിന്നീട് ആ സന്ദേശം എഡിറ്റ് ചെയ്ത് മീഡിയാ ഫയല്‍ അറ്റാച്ച് ചെയ്ത് ഒപ്പം അയക്കാനുള്ള സൗകര്യം,എന്നിവ ഉള്‍പ്പടെ വിവിധ പുതിയ ഫീച്ചറുകളും ടെലഗ്രാം അവതരിപ്പിച്ചിട്ടുണ്ട്.
