മലയാളികൾ കാലമെത്ര കഴിഞ്ഞാലും മറക്കാത്ത ക്യാമ്പസ് സിനിമയാണ് ക്ലാസ്മേറ്റ്സ്. ശരിക്കും ന്യൂജനറേഷൻ ഓളം കൊണ്ടുവന്ന സിനിമ മലയാളികൾ ഹൃദയത്തിലേറ്റി. ക്ലാസ്മേറ്റ്സിലെ സുകുവിനെയും താരയെയും മുരളിയെയും പയസിനെയും റസിയയെും അങ്ങനെയൊന്നും മറക്കാൻ സാധിക്കില്ല.
സിനിമയിൽ സുകുവിന്റെയും താരയുടെയും പ്രണയം പോലെ ആരാധകർ ആഘോഷിച്ച സിനിമയാണ് മുരളിയുടെയും റസിയയുടെയും സിനിമ. രാധികയായിരുന്നു റസിയയെ അവതരിപ്പിച്ചത്. ഇന്നും രാധിക അറിയപ്പെടുന്നത് റസിയ എന്ന കഥാപാത്രത്തിന്റെ പേരിലാണ്.ഇപ്പോഴിതാ ചിത്രത്തിന്റെ ഷൂട്ടിംഗിനിടെയുണ്ടായ ഒരു സംഭവം വെളിപ്പെടുത്തുന്ന ലാൽ ജോസിന്റെ വീഡിയോ വൈറലാവുകയാണ്. ചിത്രത്തിൽ രാധിക അവതരിപ്പിച്ച റസിയായി അഭിനയിക്കണം എന്ന് പറഞ്ഞ് കാവ്യ മാധവൻ കരഞ്ഞുവെന്നാണ് ലാൽ ജോസ് വെളിപ്പെടുത്തിയത്.
ആദ്യത്തെ സീൻ ഷൂട്ട് ചെയ്യുമ്പോൾ ബാക്കിയെല്ലാവരും വന്നു, പക്ഷെ കാവ്യ മാത്രം വന്നിട്ടില്ല. ജെയിംസിനെ രാവിലെ കാവ്യയോട് കഥ പറയാൻ വിട്ടിരുന്നു. കഥ പറയാൻ പോയപ്പോൾ മുഴുവൻ കഥയും ഞാൻ പറഞ്ഞിരുന്നില്ല.ഷൂട്ടിന് വന്നശേഷം കഥ പറഞ്ഞ ശേഷം എന്തോ പന്തികേടുണ്ട്, പുള്ളിക്കാരി കണ്ണിൽ നിന്നും വെള്ളം വന്ന് മാറിയിരിപ്പുണ്ടെന്ന് ജെയിംസ് പറഞ്ഞു. കഥ കേട്ട് ഇമോഷണൽ ആയതാകുമെന്ന് ഞാൻ കരുതി.
വരില്ലെന്ന് പറഞ്ഞപ്പോൾ ഞാൻ എന്താണ് പ്രശ്നമെന്ന് അറിയാനായി ചെന്നു. ‘ഈ പടത്തിലെ നായിക ഞാനല്ല, നായിക റസിയ ആണ്. ഞാൻ വേണമെങ്കിൽ റസിയയെ ചെയ്യാം. ഈ വേഷം വേറെ ആരെയെങ്കിലും കൊണ്ട് ചെയ്യിക്കൂ’ എന്നായിരുന്നു കാവ്യ പറഞ്ഞത്. ഒരിക്കലും ആ കഥാപാത്രം കാവ്യയ്ക്ക് ചെയ്യാൻ പറ്റില്ലെന്ന് ഞാൻ പറഞ്ഞു.കാവ്യയെ പോലെ എസ്റ്റാബ്ലിഷ് ആയൊരു നായിക ഈ കഥാപാത്രം ചെയ്യുമ്പോഴേ ആളുകൾക്ക് മനസിലാകും ഈ കഥാപാത്രത്തിന് എന്തോ ഒരു പരിപാടിയുണ്ടെന്ന്. റസിയ അപ്രധാനമായൊരു കഥാപാത്രമാണെന്ന് ആളുകൾ കരുതണം, ഈ ഗ്രൂപ്പിലെ ഒരു പെൺകുട്ടിയെന്ന് മാത്രം വിചാരിച്ചിരിക്കെ അവസാനം സിനിമയിലേ പ്രധാനപ്പെട്ടൊരു കഥാപാത്രമായി മാറുകയാണ് വേണ്ടത്. അല്ലെങ്കിൽ കഥയുടെ സസ്പെൻസ് പോകുമെന്ന് പറഞ്ഞ് മനസിലാക്കാൻ ശ്രമിച്ചു.
താര തന്നെയാണ് ഈ ചിത്രത്തിലെ നായിക. സുകുമാരൻ ആണ് നായകൻ. അവരുടെ പ്രണയത്തിനുണ്ടാകുന്ന വിഘ്നം ആണ് മുരളിയുടേയും റസിയയുടേയും പ്രണയം. എന്നൊക്കെ പറഞ്ഞ് കൺവിൻസ് ചെയ്തിട്ടാണ് കാവ്യ അഭിനയിക്കാൻ വരുന്നത്. അപ്പോഴും അവളത് ചെയ്തത് എന്നോടുള്ള സ്നേഹവും കടപ്പാടും കൊണ്ടാണെന്ന് അദ്ദേഹം പറയുന്നു.
Discussion about this post