ന്യൂഡൽഹി : ആർട്ടിഫിഷ്യൽ ഇന്റലിജൻസ് അഭിഭാഷകനുമായി സംവദിച്ച് സുപ്രീം കോടതി ചീഫ് ജസ്റ്റീസ് ഡി വൈ ചന്ദ്രചൂഢ്. നാഷണൽ ജുഡീഷ്യൽ മ്യൂസിയത്തിന്റെയും ആർക്കൈവിന്റെയും ഉദ്ഘാടന ചടങ്ങിലായിരുന്നു എഐ മായുള്ള സംഭാഷണം.
എഐ അഭിഭാഷകന്റെ അറിവ് പരിശോധിക്കാൻ ചീഫ് ജസ്റ്റിസ് ചോദിച്ചു. ഇന്ത്യയിൽ വധശിക്ഷ ഭരണഘടനാപരമാണോ ?
വക്കീലിന്റെ ബോ ടൈയും കോട്ടും ധരിച്ച കണ്ണട ധരിച്ച ആളുടെ രൂപത്തിലുള്ള AI അഭിഭാഷകൻ മറുപടി പറഞ്ഞു, ‘അതെ, വധശിക്ഷ ഇന്ത്യയിൽ ഭരണഘടനാ പ്രകാരമാണ്. സുപ്രീം കോടതി തീരുമാനപ്രകാരം അത് അപൂർവ്വങ്ങളിൽ അപൂർവ്വമായ കേസുകൾക്ക് മാത്രമാണ് വിധിക്കുക. മറുപടി ചീഫ് ജസ്റ്റിസ് ഡി.വൈ. ചന്ദ്രചൂഢിനെ ആകർഷിക്കുന്നതായിരുന്നു .
അടുത്ത ചീഫ് ജസ്റ്റിസായി ചുമതലയേൽക്കാനിരിക്കുന്ന ജസ്റ്റിസ് സഞ്ജീവ് ഖന്നയും ഒപ്പമുണ്ടായിരുന്നു. മറ്റ് സുപ്രീം കോടതി ജഡ്ജിമാരും ഉദ്ഘാടന ചടങ്ങിൽ പങ്കെടുത്തു. എഐയുമായുള്ള സംഭഷാണ വീഡിയോ സമൂഹമാദ്ധ്യമങ്ങളിൽ വൈറലാണ്.
സുപ്രീം കോടതിയുടെ ധാർമ്മികതയെയും രാജ്യത്തിന് അതിന്റെ പ്രാധാന്യത്തെയും പ്രതിഫലിപ്പിക്കുന്നതാണ് പുതിയ മ്യൂസിയമെന്ന് ചടങ്ങിൽ സംസാരിച്ച ചീഫ് ജസ്റ്റിസ് പറഞ്ഞു. യുവതലമുറയ്ക്ക് സംവേദനാത്മക ഇടമായി മ്യൂസിയം മാറണമെന്ന് താൻ ആഗ്രഹിക്കുന്നുവെന്നും അദ്ദേഹം പറഞ്ഞു. ‘സ്‌കൂളുകളിൽ നിന്നും കോളേജുകളിൽ നിന്നുമുള്ള കുട്ടികൾ, നിയമവാഴ്ചയുടെ പ്രാധാന്യത്തിന്റെ തത്സമയ അനുഭവം അവർക്ക് നൽകുന്നതിന് മ്യൂസിയം ഫലവത്തായിരിക്കുമെന്നും ഡി വൈ ചന്ദ്രചൂഢ് കൂട്ടിച്ചേർത്തു.
Discussion about this post