വീട് എത്രയൊക്കെ വൃത്തിയാക്കിവച്ചാലും മുഷിഞ്ഞ മണം ഉണ്ടാകും. ഇത് മാറാൻ ഭൂരിഭാഗം വീട്ടമ്മമാറും ഫിനോയിലുകളെയാണ് ആശ്രയിക്കാറുള്ളത്. ഫിനോയിലുകൾ ഉപയോഗിച്ച് തറയും വീടിന്റെ മറ്റ് ഭാഗങ്ങളും തുടയ്ക്കും. എന്നാൽ മിനിറ്റുകൾ മാത്രമാണ് ഈ മണം വീട്ടിൽ തങ്ങി നിൽക്കുക. ചിലർ ഈ പ്രതിസന്ധി മറികടക്കാൻ വീട്ടിൽ റൂം ഫ്രഷ്ണർ വാങ്ങി വയ്ക്കാറുണ്ട്. എന്നാൽ ഇത് വലിയ ചിലവേറിയ കാര്യമാണ്. ഈ സാഹചര്യത്തിൽ എന്ത് ചെയ്യും?.
വീട്ടിൽ തന്നെയുള്ള ചില നിത്യോപയോഗ വസ്തുക്കൾ ഉപയോഗിച്ച് നമുക്ക് റൂം ഫ്രഷ്‌നർ ഉണ്ടാക്കിയെടുക്കാം. 10 രൂപയിൽ താഴെ ചിലവ് മാത്രമേ ഇതിനായി വരികയുള്ളൂ. ഇതിന്റെ സുഗന്ധം ആകട്ടെ മണിക്കൂറുകളോളം നീണ്ടു നിൽക്കുകയും ചെയ്യും.
ആദ്യം ഇതിനായി വേണ്ടത് ഒരു നാരങ്ങയാണ്. ഒരു ചെറിയ പാത്രത്തിൽ നാലായി മുറിച്ച നാരങ്ങ വയ്ക്കുക. ഇതിന് ശേഷം ഇതിലേക്ക് അൽപ്പം ഉപ്പിടുക. അൽപ്പം വെള്ള വിനാഗിരി കൂടി ഇതിലേക്ക് ചേർക്കാം. ശേഷം നാലോ അഞ്ചോ ഗ്രാമ്പുവും ഇതിലേക്ക് ഇട്ടുകൊടുക്കുക. ഇതിലേക്ക് അൽപ്പം ഫാബ്രിക് ഡിറ്റർജന്റും ഇട്ട് കൊടുക്കുക. നമ്മുടെ റൂം ഫ്രഷ്‌നർ തയ്യാറായി. ഇനി ഇത് സോഫയ്ക്ക് അടിയിലോ മേശയ്ക്ക് അടിയിലോ വച്ച് കൊടുക്കാം. ബാത്ത് റൂമിൽ വേണമെങ്കിലും ഇത് വയ്ക്കാം.
Discussion about this post