സ്വന്തമായ ഒരു വീട്, വാഹനം എന്നിങ്ങനെയുള്ള കാര്യങ്ങളെല്ലാം ഏതൊരാളുടെയും സ്വപ്നമാണ്. ദീര്‍ഘകാലത്തെ കാത്തിരിപ്പിനു ശേഷം സ്വരുക്കൂട്ടി വച്ച പണം ഉപയോഗിച്ചും ലോണെടുത്തുമൊക്കെയാവും നമ്മളില്‍ പലരും ഇങ്ങനെയുള്ള സ്വപ്നങ്ങള്‍ നേടിയെടുക്കുക. എന്നാല്‍ പുതിയൊരു കാര്‍ സ്വന്തമാക്കിയാല്‍ പലരും ചില കാര്യങ്ങൾ മറന്നു മറന്നുപോകുകയാണ് പതിവ്.
പുതിയൊരു കാര്‍ വാങ്ങിയാല്‍ ഇങ്ങനെ അത് പരിപാലിക്കണം എന്ന് പോലും അറിയാതെയാണ് നാം അതിനോട് പെരുമാറുന്നത്. കാര്‍ വാങ്ങി ആദ്യത്തെ കുറച്ചു നാളുകളില്‍ ഇനി പറയുന്ന കാര്യങ്ങള്‍ ചെയ്യാതിരുന്നാല്‍ നിങ്ങളുടെ കാറിന് ദീര്‍ഘായുസ് ലഭിക്കും.
പുതിയ കാറില്‍ അമിത ഭാരം കയറ്റുന്നതും കാറിനെ മോശമായി ബാധിക്കും. ഇത് എഞ്ചിന് പ്രവര്‍ത്തനത്തെ സ്വാധീനിക്കുകയും നിങ്ങളുടെ കാര്‍ പെട്ടെന്ന് കേടാവുകയും ചെയ്യും. റോഡ് സാഹചര്യങ്ങളുമായി പുതിയ എഞ്ചിന് പൊരുത്തപ്പെടുന്നത് വരെ അമിത ഭാരം കയറ്റാതിരിക്കുന്നതാണ് കാറിന്റെ ഭാവിയ്ക്ക് നല്ലത്.
പുതിയ കാര്‍ വാങ്ങിയ ഉടനെ തന്നെ അതും കൊണ്ട് ഫുള്‍ ത്രോട്ടിലില്‍ ചീറി പായുന്നത് പലരുടെയും ഹോബിയാണ്. പ്രത്യേകിച്ച് യുവാക്കള്‍ ഇക്കര്യത്തില്‍ഒരുപടി മുന്നിലാണ്. എന്നാല്‍, കാര്‍ വാങ്ങിയ ഉടൻ തന്നെ ഇങ്ങനെ സമ്മര്‍ദ്ദം ചെലുത്തിയാല്‍ കാറിന്റെ ആരോഗ്യത്തെ ഗുരുതരമായി ബാധിക്കും. കാരണം ഒട്ടേറെ ചലിക്കുന്ന ഘടകങ്ങള്‍ കൊണ്ട് നിര്‍മ്മിച്ചതാണ് എഞ്ചിന്. ഫുള്‍ ത്രോട്ടിലില്‍ സഞ്ചരിക്കുമ്പോള്‍ പുതിയ എഞ്ചിനില്‍ സമ്മര്‍ദ്ദം വര്‍ദ്ധിക്കുകയും ഇത് ഗുരുതര പ്രശ്‌നങ്ങളിലേക്ക് വഴിതെളിക്കുകയും ചെയ്യും
. കുറേയധികം കിലോമീറ്ററുകള്‍ ഓടിയതിന് ശേഷമേ പുതിയ കാറുകള്‍ പൂര്‍ണ മികവിലേക്ക് എത്തുകയുള്ളൂവെന്ന് മിക്ക വാഹന നിര്‍മ്മാതാക്കളും വ്യക്തമാക്കുന്നുണ്ട്. അതിനാല്‍ പുതിയ കാറിന്റെ ആദ്യ 500-1000 കിലോമീറ്ററുകള്‍ (കാറുകളെ ആശ്രയിച്ച് വ്യത്യാസപ്പെടും) ഫുള്‍ ത്രോട്ടിലില്‍ പായിക്കാതിരിക്കുന്നതാണ് നല്ലത്.
കാറിന്റെ ക്രൂയിസ് കണ്ട്രോള്‍ ആദ്യത്തെ കുറച്ചുനാള്‍ ഉപയോഗിക്കാതിരിക്കുകയാവും നല്ലത്. വ്യത്യസ്ത ലോഡുകളുമായി പൊരുത്തപ്പെടാന്‍ എഞ്ചിന് സാവകാശം വേണമെന്നതാണ് ഇതിന് കാരണം. ക്രൂയിസ് കണ്‍ട്രോളില്‍, എഞ്ചിന് ഒരു നിശ്ചിത rpm ലാണ് സഞ്ചരിക്കുക. മാത്രമല്ല, ഇത്തരം സാഹചര്യത്തില്‍ ദീര്‍ഘസമയത്തേക്ക് ലോഡില്‍ വ്യത്യാസങ്ങളുമുണ്ടാകില്ല. ഇത് കാറിന്റെ എഞ്ചിന് ഘടനയെ സ്വാധീനിക്കും. കുറഞ്ഞ വേഗതയില്‍ ഏറെ നേരം ഡ്രൈവ് ചെയ്യുന്നതും അമിത വേഗതയില്‍ ഏറെ നേരം ഡ്രൈവ് ചെയ്യുന്നതും പുതിയ കാറിന് അത്ര നല്ലതല്ല.
എഞ്ചിന് ചൂടാകില്ലെങ്കില്‍ ഡ്രൈവ് ചെയ്യരുത്
ചെറിയ ദൂരത്തേക്ക് പുതിയ കാര്‍ ഓടിക്കാതിരിക്കുന്നതാണ് ഉത്തമം. കാരണം, കാര്‍ ചൂടാകാന്‍ ഒരല്‍പം സമയമെടുക്കും. ശരിയായ താപത്തിലെത്തിയാല്‍ മാത്രമാണ് എഞ്ചിന് പൂര്‍ണ മികവില്‍ പ്രവര്‍ത്തിക്കുക. ചെറിയ ദൂരം മാത്രമാണ് സഞ്ചരിക്കുന്നതെങ്കില്‍ എഞ്ചിന് ആവശ്യമായ തോതില്‍ ചൂടാകില്ല. ഇതോടെ എഞ്ചിന് തകരാറിന് വഴിവക്കും. പഴയ കാറുകള്‍ക്കും ഇത് ബാധകമാണ്.
Discussion about this post