പണ്ട് മുതൽ ആ അസുഖമുണ്ട്; ആശുപത്രിയിൽ പോകാൻ മടിയായിരുന്നു; ഫോട്ടോയുടെ സത്യാവസ്ഥ വെളിപ്പെടുത്തി നടി ഐശ്വര്യലക്ഷ്മി

കൊച്ചി: 2017 ൽ നിവിൻപോളി നായകനായി എത്തിയ ഞണ്ടുകളുടെ നാട്ടിൽ ഒരിടവേള എന്ന ചിത്രത്തിലൂടെ മലയാള സിനിമയിലെത്തിയ താരമാണ് ഐശ്വര്യലക്ഷ്മി.പിന്നീട് മായാനദിയിലൂടെ അപ്പുവായി പ്രേക്ഷകരെ ഞെട്ടിച്ചു.പിന്നീട് അങ്ങോട്ട് കൈനിറയെ ചിത്രങ്ങളുമായി തിരക്കിലായിരുന്നു താരം. വരത്തൻ,വിജയ് സൂപ്പറും പൗർണ്ണമിയും,അർജന്റീന ഫാൻസ് കാട്ടൂർക്കടവ്, ബ്രദേഴ്‌സ് ഡേ എന്നീ ചിത്രങ്ങളിലും ഐശ്വര്യ നായികയായി. വിശാൽ ചിത്രത്തിലൂടെ തമിഴിലും അരങ്ങേറി തെന്നിന്ത്യയിലും താരമായി. ഇപ്പോൾ വിവിധഭാഷകളിൽ കൈനിറയെ ചിത്രങ്ങളുമായി തിരക്കിലാണ് താരം.

സോഷ്യൽമീഡിയയിൽ സജീവമായ താരം അടുത്തിടെ ഈ വർഷം താൻ കടന്നുവന്ന നല്ലതും ചീത്തയുമായ സാഹചര്യങ്ങളിൽ പകർത്തിയ ചിത്രങ്ങൾ പങ്കിട്ടിരുന്നു. അതിൽ ആശുപത്രിയിൽ ചികിത്സയിൽ കഴിയുന്ന ചിത്രങ്ങളും പൊട്ടിക്കരയുന്ന ഫോട്ടോകളും ഉണ്ടായിരുന്നു. ഇപ്പോഴിതാ ആ ഫോട്ടോയ്ക്ക് പിന്നിലെ കാരണം വെളിപ്പെടുത്തിയിരിക്കുകയാണ് താരം. ന്യൂയറിന് തന്നെ ആശുപത്രിയിൽ ചികിത്സ തേടിയ കാര്യമാണ് താരം പറയുന്നത്.

താരത്തിന്റെ വാക്കുകൾ..കരയുന്ന ഒരു ഫോട്ടോ മാത്രമെ ഞാൻ ഇട്ടിട്ടുള്ളു. പക്ഷെ കരയുന്ന സമയത്തെല്ലാം ഫോട്ടോ എടുത്ത് വെച്ചിരുന്നു. അതുകൊണ്ട് തന്നെ എന്ന്, എങ്ങനെ, എപ്പോൾ കരഞ്ഞുവെന്ന് എനിക്ക് അറിയാമായിരുന്നു. എനിക്ക് വല്ലാത്ത മൈഗ്രെയ്‌നുണ്ട്. ഈ വർഷം ന്യൂ ഇയർ ദിവസം ഞാൻ മൈഗ്രെയ്ൻ കൂടി ആശുപത്രിയിലായിരുന്നു. പക്ഷെ അന്നേ ദിവസം ആശുപത്രിയിൽ പോകാൻ എനിക്ക് താത്പര്യമില്ലായിരുന്നു. കാരണം ഒന്നാം തിയ്യതി ആരെങ്കിലും വരികയാണെങ്കിൽ ഇത് തലേദിവസം പാർട്ടി ചെയ്തത് കൂടി പോയതുകൊണ്ട് അസുഖം വന്നയാളാണെന്ന ചിന്ത എല്ലാവർക്കും വരും. ഹൗസ് സർജൻസി ചെയ്തിരുന്ന സമയത്ത് അങ്ങനെ ആളുകൾ ചിന്തിക്കുന്നത് ഞാൻ കണ്ടിട്ടുണ്ട്. പിന്നെ ഞാൻ പബ്ലിക്ക് ഫിഗറായതുകൊണ്ട് ഒന്നാം തിയ്യതി ഞാനും ആശുപത്രിയിൽ പോയാൽ അവിടെയുള്ള ഡോക്ടേഴ്‌സും ഇങ്ങനെ വിചാരിക്കുമോയെന്ന ചിന്ത ഉണ്ടായിരുന്നു.

ഞാൻ താമസിക്കുന്ന അപ്പാർട്ട്‌മെന്റിൽ ന്യൂ ഇയർ സെലിബ്രേഷനുണ്ടായിരുന്നു. അവർ ലൗഡ് സ്പീക്കർ വെച്ചിരുന്നു. ഒരു പരിപാടിയുമില്ലാതെ ഞാൻ ഒറ്റയ്ക്ക് അപ്പാർട്ട്‌മെന്റിൽ ഇരിക്കുകയാണ്. ലൗഡ് സ്പീക്കർ സൗണ്ട് ട്രിഗറായപ്പോൾ എനിക്ക് മൈഗ്രെയ്ൻ വന്നു. പണ്ട് മുതൽ മൈഗ്രെയ്‌നുണ്ട്. 2023ൽ കൂടി.മെഡിറ്റേഷൻ പഠിക്കാൻ പോയിട്ടും അവിടെ ഇരിക്കാൻ പറ്റുന്നില്ലായിരുന്നു. ലൗഡ് സ്പീക്കർ അവിടെയും ഉണ്ടായിരുന്നു. മൈഗ്രെയ്ൻ കൂടിയശേഷം എല്ലാ ദിവസവും ഇഞ്ചക്ഷൻ എടുക്കേണ്ട അവസ്ഥയിൽ എത്തി. ഡിസംബർ 31ന് മൈ?ഗ്രെയ്ൻ വന്ന് തുടങ്ങിയപ്പോൾ തന്നെ സുഹൃത്തുക്കൾ ആശുപത്രിയിൽ പോകാൻ എന്നെ ഉപദേശിച്ചിരുന്നു. ഡോക്ടമാരും മറ്റ് സ്റ്റാഫും എന്ത് ചിന്തിക്കുമെന്ന് കരുതി ഞാൻ പോകാൻ തയ്യാറായില്ല. പക്ഷെ ഒന്നാം തീയതി കൂടി. ഓമിറ്റിങ്ങ് അടക്കം എല്ലാമുണ്ടായിരുന്നു. അവസാനം ആശുപത്രിയിൽ പോയി അവിടെ എട്ട് മണിക്കൂറോളം കിടന്നു. അവിടെ എനിക്കൊപ്പം പഠിച്ച കുട്ടി കാഷ്യാലിറ്റിയിൽ ഡോക്ടറായിരുന്നു. അവൾ എടുത്ത ഫോട്ടോയാണ് അന്ന് ഞാൻ പോസ്റ്റ് ചെയ്ത ആശുപത്രിയിൽ നിന്നുള്ള ഫോട്ടോ.