എറണാകുളം: റിയാലിറ്റി ഷോയിലൂടെ പ്രേക്ഷകര്ക്ക് സുപരിചിതരായ താരങ്ങളാണ് മഞ്ജു പത്രോസും സിമി സാബുവും. ഇരുവരും ചേര്ന്നുള്ള യൂട്യൂബ് ചാനൽ ഏറെ പ്രേക്ഷക ശ്രദ്ധ നേടിയിരുന്നു. ബ്ലാക്കീസ് എന്ന?പേരില് തുടങ്ങിയ ചാനലില് എന്നാല്, അടുത്തിടെയായി വീഡിയോകള് ഒന്നും അപ്ലോഡ് ചെയ്യാറില്ലായിരുന്നു.
സോഷ്യല് മീഡിയയില് ഇരുവരും ഒരുമിച്ചുള്ള ചിത്രങ്ങളും കാണാതായതോടെ മഞ്ജുവും സിമിയും തമ്മില് പിണക്കത്തിലാണോ, ഇനി അടിച്ചു പിരിഞ്ഞോ എന്ന് തുടങ്ങിയ ചോദ്യങ്ങള് വരാന് തുടങ്ങിയിരുന്നു.
ഇപ്പോഴിതാ ചാനലില് വീഡിയോ ഇല്ലാത്തതിന്റെ കാരണം പറഞ്ഞ് എത്തിയിരിക്കുകയാണ് മഞ്ജുവും സിമിയും. യൂട്യൂബ് ചാനലിലൂടെയുള്ള വ്ളോഗിംഗ് നിര്ത്തി എന്ന് പറയുകയാണ് താരങ്ങള്. അതിന്റെ കാരണവും പുതിയ വീഡിയോയില് സൂചിപ്പിച്ചിട്ടുണ്ട്.
ഇനി തങ്ങളുടെ അടുത്തുനിന്ന് ഒരു വ്ളോഗ് ഉണ്ടാവാന് സാധ്യത തീരെ കുറവാണെന്ന് വീഡിയോയില് മഞ്ജു പറയുന്നു. താല്ക്കാലികമായി അത് നിര്ത്തി. അതിനു ചില കാരണങ്ങൾ ഉണ്ടെന്നും മഞ്ജു പറഞ്ഞു. കൊറോണ സമയത്ത് തങ്ങള്ക്ക് ഒരുമിച്ച് എന്തെങ്കിലും ചെയ്യണമെന്ന് വിചാരിച്ചും ഞങ്ങളുടെ സ്ട്രസ്സ് റിലീഫിന് വേണ്ടിയും തുടങ്ങിയതാണ് ഈ ചാനൽ. അതില് നിന്നൊരു വരുമാനം ഉണ്ടാവണമെന്നും ഞങ്ങളുടെ ജീവിതമാര്ഗം ആവണമെന്നും കരുതിയിട്ടില്ല. കാര്യമായ വരുമാനം ഒന്നും ഞങ്ങള്ക്ക് കിട്ടിയിട്ടുമില്ല. ഇതിനെ വളരെ സീരിയസായി കാണുന്നവരും ഇതൊരു ജീവിതമാര്ഗമായി കൊണ്ടുപോകുന്ന ഒത്തിരി വ്ളോഗര്മാര്ക്കിടയില് പിടിച്ചു നില്ക്കാന് സാധിച്ചില്ല എന്നതാണ് സത്യം.
‘ഞങ്ങള് വായില് തോന്നിയതൊക്കെ വിളിച്ചു പറഞ്ഞു കൊണ്ട് നില്ക്കുന്നു എന്നല്ലാതെ ക്വാളിറ്റിയുള്ള ഒന്നും അതിൽ ചെയ്യാന് സാധിച്ചിരുന്നില്ല. അതുപോലെ ഞങ്ങള് രണ്ടു പേരും തിരക്കിലാണ്. സിമി പുതിയതായി ഒരു ബിസിനസ് തുടങ്ങി. ഞാനും രണ്ട്, മൂന്ന് പ്രൊജക്ടുകളുമായി തിരക്കിലാണ്’ മഞ്ജു കൂട്ടിച്ചേര്ത്തു.
വ്ളോഗ് ചെയ്യുന്നില്ലെന്ന് തീരുമാനിച്ച സ്ഥിതിക്ക് വെബ് സീരീസ് ചെയ്താലോ എന്നൊരു ആലോചനയുണ്ട്. ഇനി അതല്ലെങ്കില് ചെറിയ കഥകള് ആയിട്ട് 15 മിനിറ്റ് വരുന്ന വീഡിയോ ചെയ്യാമെന്ന് കരുതുന്നു. അതില് നിങ്ങളുടെ അഭിപ്രായം എന്താണെന്നും മഞ്ജുവും സിമിയും ചോദിച്ചു.
Discussion about this post