ദില്ലി : വിമാന ടിക്കറ്റ് നിരക്ക് വര്ധനയ്ക്ക് തടയിടാന് കേന്ദ്ര സര്ക്കാര്. വിമാന ടിക്കറ്റ് നിരക്കില് വരുത്തുന്ന മാറ്റം 24 മണിക്കൂറിനുള്ളില് ഡിജിസിഎയെ അറിയിച്ചാല് മതിയെന്ന നിലവിലെ വ്യവസ്ഥ എടുത്തു കളയുകയാണെന്ന് വ്യോമയാന മന്ത്രി റാം മോഹന് നായിഡു അറിയിച്ചു.
രാജ്യസഭയില് വ്യോമയാന ബില്ലില് നടന്ന ചര്ച്ചയിലാണ് മന്ത്രി നിലപാട് വ്യക്തമാക്കിയത്. തോന്നും പോലെ ഇനി നിരക്ക് വര്ദ്ധിപ്പിക്കാന് കഴിയില്ലെന്നും മന്ത്രി വ്യക്തമാക്കി. വിമാന ടിക്കറ്റ് നിരക്ക് തോന്നും പോലെ വര്ധിപ്പിക്കുന്നത് തടയാനാണ് കേന്ദ്ര സര്ക്കാര് നീക്കം.
ഭാരതീയ വായുയാന് വിധേയക് ബില്ലിലാണ് വില വര്ദ്ധനവ് തടയാനുള്ള നടപടി സര്ക്കാര് സ്വീകരിച്ചത്. 2010ലെ ഡിജിസിഎ സര്ക്കുലര് പ്രകാരം ഒരു മാസം മുന്പ് വിമാന കമ്പനികള് ടിക്കറ്റ് നിരക്ക് ഡിജിസിഎ അറിയിക്കണം. ഇതേ സര്ക്കുലറില് തന്നെയുള്ള വ്യവസ്ഥ പ്രകാരം ഡിജി സിഐക്ക് നല്കിയ നിരക്കില് വിമാന കമ്പനികള് വരുത്തുന്ന വ്യത്യാസം 24 മണിക്കൂറിനുള്ളില് ഡിജിസിഎ അറിയിച്ചാല് മതിയാകും. ഈ വ്യവസ്ഥയാണ് നിലവില് നീക്കം ചെയ്യുന്നതെന്ന് വ്യോമയാന മന്ത്രി റാം മോഹന് നായിഡു രാജ്യസഭയെ അറിയിച്ചു.
അനിയന്ത്രിതമായ വിമാന ടിക്കറ്റ് നിരക്ക് വര്ദ്ധനവ് തടയാന് ആകുമെന്നാണ് വ്യോമയാന മന്ത്രാലയത്തിന്റെ കണക്കുകൂട്ടല്. നിലവിലെ വ്യവസ്ഥ നീക്കം ചെയ്യുന്നതോടെ ഒരു മാസം മുന്പ് നല്കിയ നിരക്കില് വിമാന കമ്പനികള്ക്ക് മാറ്റം കൊണ്ടുവരാന് കഴിയില്ലെന്നാണ് വിലയിരുത്തുന്നത്.
Discussion about this post