അമരാവതി : പുഷ്പ 2 ഷോയ്ക്കിടെ ആരാധകൻ മരണപ്പെട്ടു. ആന്ധ്രാപ്രദേശിലാണ് സംഭവം. ചിത്രത്തിൻറെ മാറ്റിനി ഷോയ്ക്കിടെയാണ് 35 കാരനായ ഹരിജന മദന്നപ്പയെ മരിച്ച നിലയിൽ കണ്ടെത്തിയത്.
തിങ്കാളാഴ്ചയാണ് സംഭവം. ഉച്ചകഴിഞ്ഞ് 2:30 ന് രായദുർഗത്തിലെ സിനിമയുടെ മാറ്റിനി ഷോയിൽ മദ്യപിച്ച നിലയിൽ അദ്ദേഹം എത്തിയിരുന്നു എന്നാണ് തീയറ്റർ ജീവനക്കാരുടെ മൊഴി. ഇയാൾ എപ്പോഴാണ് മരിച്ചതെന്ന് വ്യക്തമല്ല. എന്നാൽ മാറ്റിനി ഷോ കഴിഞ്ഞ് ഹാൾ വൃത്തിയാക്കുമ്പോഴാണ് വൈകുന്നേരം 6 മണിയോടെ ക്ലീനിംഗ് ജീവനക്കാർ അദ്ദേഹത്തെ മരിച്ച നിലയിൽ കണ്ടെത്തിയത് .
ഭാരതീയ ന്യായ സംഹിത നിയമത്തിലെ 194-ാം വകുപ്പ് പ്രകാരമാണ് കേസെടുത്തിരിക്കുന്നത്’ കല്യാൺദുർഗം ഡിഎസ്പി രവി ബാബു വ്യക്തമാക്കി. മരണകാരണം പോലീസ് ഇപ്പോഴും അന്വേഷിക്കുകയാണ്.
‘ഡിസംബർ നാലിന് ഹൈദരാബാദിലെ സന്ധ്യ തിയേറ്ററിൽ പുഷ്പ 2: ദ റൂൾ എന്ന സിനിമയുടെ പ്രദർശനത്തിൽ അർജുൻ പങ്കെടുത്തിരുന്നു. നടി രശ്മിക മന്ദാനയ്ക്കും ഭാര്യ സ്നേഹയും കൂടെ ഉണ്ടായിരുന്നു. അദ്ദേഹത്തിൻറെ സന്ദർശനം മൂലം ഉണ്ടായ തിക്കിലും തിരക്കിലും ഒരു ആരാധിക മരണപ്പെട്ടിരുന്നു. ഇവരുടെ മകൻ ഗുരുതരാവസ്ഥയിൽ ആശുപത്രിയിലാകുകയും ചെയ്തു. ഈ സംഭവത്തിൽ പിന്നീട് അല്ലു അർജുൻ അടക്കം ചിത്രത്തിൻറെ അണിയറക്കാർ മാപ്പ് പറഞ്ഞിരുന്നു.
Discussion about this post