കോട്ടയം: പാലായിൽ ഒമ്പതാം ക്ലാസ് വിദ്യാർത്ഥിയെ സഹപാഠികൾ ചേർന്ന് ഉപദ്രവിച്ചതായി പരാതി. പാലാ സെന്റ് തോമസ് സ്‌കൂൾ വിദ്യാർത്ഥിയെ ആണ് ക്ലാസിലെ മറ്റ് വിദ്യാർത്ഥികൾ ചേർന്ന് ഉപദ്രവിച്ചത്. വിദ്യാർത്ഥിയുടെ വസ്ത്രം ഊരി മാറ്റി നഗ്നനാക്കുകയും അത് വീഡിയോ എടുത്ത് പ്രചരിപ്പിക്കുകയും ചെയ്തതായാണ് പരാതി.
സംഭവത്തിന്റെ ദൃശ്യങ്ങൾ ഉൾപ്പെടെ പുറത്തുവന്നതോടെ വിദ്യാർത്ഥിയുടെ പിതാവ് പാലാ പോലീസ് സ്റ്റേഷനിൽ പരാതി നൽകി. പരാതിയിൽ വിശദമായ അന്വേഷണം നടത്തിയ ശേഷം നടപടി എടുക്കുമെന്ന് പോലീസ് അറിയിച്ചു.
വിദ്യാർത്ഥിയെ ബലമായി പിടിച്ചുവെച്ചശേഷം വസ്ത്രങ്ങൾ ഊരി മാറ്റുകയായിരുന്നു. എതിർക്കാൻ ശ്രമിച്ചെങ്കിലും നിലത്തുവീണ വിദ്യാർത്ഥിയെ സഹപാഠികളായ രണ്ടു പേർ ചേർന്ന് പിടിച്ചുവെച്ച് ഉപദ്രവിച്ചതായും പരാതിയിൽ പറയുന്നു.
Discussion about this post