ഫോൺ പൊട്ടിത്തെറിക്കുമെന്ന് ഇനി പേടിക്കേണ്ട ; അപകടം തടയാനുള്ള മാർഗങ്ങൾ ഇവയാണ്

ഇക്കാലത്ത് സ്മാർട്ട് ഫോൺ ഇല്ലാതെ ജീവിക്കാൻ കഴിയില്ല് എന്ന് തന്നെ വേണം പറയാൻ .ഇന്നത്തെ കാലത്ത് ഫോണുകളാണ് ദൈനംദിന ജോലികൾക്ക് ഏറെ സഹായകം. എന്നാൽ പല വീടുകളിലും പറയുന്ന ഒരു കോമൺ ഡയലോഗാണ് ഫോൺ കൂടുതൽ ഉപയോഗിക്കരുത്…. പൊട്ടിത്തെറിക്കുമെന്നത്. ഇത്തരം അപകടങ്ങൾ ഉണ്ടാകുന്നതിനുള്ള ചില കാരണങ്ങളും അവ ഒഴിവാക്കാനുള്ള വഴികളും അറിയാം.

വ്യാജ ബാറ്ററികളുടെ ഉപയോഗം

സ്മാർട്ട്‌ഫോണിൽ യഥാർഥ ബാറ്ററി ഇൻസ്റ്റാൾ ചെയ്തിട്ടുണ്ടെന്ന് ഉറപ്പുവരുത്തണം. വ്യാജ ബാറ്ററികൾ ശരിയായ വോൾട്ടേജ് ഫോണിന് നൽകുന്നില്ല. ഇക്കാരണത്താൽ ഫോൺ പൊട്ടിത്തെറിക്കാനുള്ള സാധ്യത വർധിക്കും.

ബാറ്ററി അമിതമായി ചൂടാകുന്നത്

സ്മാർട്ട്ഫോൺ ബാറ്ററികളിൽ ലിഥിയം അയൺ ഉപയോഗിക്കുന്നു. ലിഥിയം-അയോണിന് ഉയർന്ന ചൂട് താങ്ങാനാവില്ല. ഫോൺ ദീർഘനേരം ചാർജ് നിലനിൽക്കുകയോ ഗെയിമിംഗിനോ മറ്റ് ആവശ്യങ്ങൾക്കോ ഫോൺ അമിതമായി ഉപയോഗിക്കുകയോ ചെയ്താൽ, ഒരുപക്ഷേ ബാറ്ററി പൊട്ടിത്തെറിക്കാൻ കാരണമാകും.

അമിത ചാർജിംഗ് അല്ലെങ്കിൽ ഡിസ്ചാർജ്

ഫോൺ അമിതമായി ചാർജ് ചെയ്യുന്നതുമൂലം ബാറ്ററി തകരാർ സംഭവിക്കാം.

ബാറ്ററി നിലവാരം

ഫോണിൽ സ്ഥാപിച്ചിരിക്കുന്ന ബാറ്ററിയുടെ ഗുണനിലവാരവും ഇത്തരം സംഭവങ്ങളിൽ പ്രധാന പങ്ക് വഹിക്കുന്നു. ഗുണനിലവാരം കുറഞ്ഞതോ വ്യാജമോ ആയ ബാറ്ററികൾ പലപ്പോഴും സുരക്ഷിതമല്ല.

മോശം ചാർജർ

ബാറ്ററിയുടെ ഗുണനിലവാരം കൂടാതെ, ചാർജറിൻറെ ഗുണനിലവാരവും ഇത്തരം സംഭവങ്ങൾക്ക് കാരണമാകുന്നു. ഫോൺ ചാർജ് ചെയ്യാൻ എപ്പോഴും ഒറിജിനൽ ചാർജർ ഉപയോഗിക്കുക.

ഫോൺ പൊട്ടിത്തെറിക്കുന്നത് തടയാൻ എന്ത് നടപടികളാണ് സ്വീകരിക്കേണ്ടത്?

ഒറിജിനൽ ചാർജറും ബാറ്ററിയും ഉപയോഗിക്കുക.

ദീർഘനേരം ഫോൺ ചാർജ് ചെയ്യുന്നത് ഒഴിവാക്കുക.

ബാറ്ററി വീർക്കുകയാണെങ്കിൽ റിസ്‌ക് എടുക്കരുത്, ഉടൻ തന്നെ അത് മാറ്റുക.