ബുദ്ഗാം: ജമ്മു കശ്മീരിലെ ബുദ്ഗാം ജില്ലയിലുണ്ടായ ഏറ്റുമുട്ടലില് രണ്ട് ജയ്ശെ മുഹമ്മദ് ഭീകരരെ സുരക്ഷാസേന വധിച്ചു. ബുദ്ഗാം മച്ചാമ ഏരിയായിലെ അരിബാഗിലാണ് ഏറ്റുമുട്ടല് നടന്നത്. ഒരു സൈനികന് ഏറ്റുമുട്ടലില് പരിക്കേറ്റു. കൊല്ലപ്പെട്ട ഭീകരരില് ഒരാള് പാകിസ്താന് പൗരനും മറ്റൊരാള് പുല്വാമ സ്വദേശിയുമാണെന്ന് കശ്മീര് ഐ.ജി. വിജയ് കുമാര് അറിയിച്ചു.
ജമ്മു കാശ്മീര് പൊലീസും സുരക്ഷാസേനയും സംയുക്തമായി നടത്തിയ തിരച്ചിലിനൊടുവിലാണ് ഏറ്റുമുട്ടലുണ്ടായത്. ഒരു ഭീകരനെ കൂടി കണ്ടെത്താനുണ്ടെന്നും തിരച്ചില് തുടരുകയാണെന്നും സൈന്യം അറിയിച്ചു. ചൊവ്വാഴ്ച പ്രദേശം വളഞ്ഞ സംയുക്തസേനയാണ് ഭീകരര്ക്കായി തെരച്ചില് തുടങ്ങിയത്.
കൂടുതല് ഭീകരര് പ്രദേശത്ത് ഒളിവിലുണ്ടെന്ന നിഗമനത്തില് സേനയുടെ തെരച്ചില് പുരോഗമിക്കുകയാണ്. ശ്രീനഗര് പൊലീസ്, ബുദ്ഗാം പൊലീസ്, കരസേനയിലെ 50 രാഷ്ട്രീയ റൈഫിള്സ് എന്നിവരാണ് പങ്കെടുക്കുന്നത്. ഈയാഴ്ചയില് നടക്കുന്ന രണ്ടാമത്തെ ഏറ്റുമുട്ടലാണിത്.
Discussion about this post