ഇന്തോനീഷ്യയിലെ ഇരട്ട മുഖമുള്ള അഗ്നിപർവതമായ ലെവോടോബി ലാകിലാകി പുകയുന്നു. അഗ്നിപർവതം സമ്മർദ്ദത്തലാവുന്നതിന്റെ സൂപനകൾ ലഭിച്ചതോടെ, അധികൃതർ അതീവ ജാഗ്രതാനിർദേശം പുറത്തിറക്കിയിട്ടുണ്ട്. ഇതിന്റെ ഭാഗമായി, ബാലിയിലേക്കുള്ള വിവിധ വിമാന സർവീസുകൾ നിർത്തലാക്കിയിട്ടുണ്ട്.
കഴിഞ്ഞ ദിവസം, ലെവോടോബി ലാകിലാകി സ്‌ഫോടനത്തെ തുടർന്നുള്ള ജാഗ്രതാ നില ലെവൽ മൂന്നിൽ നിന്നും നാലായി ഉയർത്തിയിരുന്നു. ഗ്രെയും വെള്ളയും നിറത്തിൽ പുറത്ത് വരുന്ന ഇതിന്റെ ലാവ 164 മുതൽ 4921 അടി വരെ ഉയരത്തിലെത്താറുണ്ട്.
ഇന്തോനീഷ്യയിലെ ഫ്‌ലോറസ് എന്ന ദ്വീപിലാണ് ലെവോടോബി സ്ഥിതി ചെയ്യുന്നത്. ഫ്‌ലോറസ് ദ്വീപിന്റെ തെക്കുവശത്തായാണ് ഈ അഗ്നിപർവതം നിലനിൽക്കുന്നത്. ഇരട്ട മുഖമുള്ള ഈ അഗ്നിപർവതത്തിന്റെ ഒരു മുഖം ശാന്തമാണ്. എന്നാൽ, മറ്റൊരു മുഖം എപ്പോഴും ക്ഷുഭിതമാകാറുണ്ട്. കഴിഞ്ഞ നവംബറിൽ നടന്ന അഗ്നിപർവർവത സ്‌ഫോടനത്തിൽ 9 മരണം സംഭവിച്ചിരുന്നു.
Discussion about this post