ന്യൂഡല്ഹി: കിഴക്കന് ലഡാക്ക് അതിര്ത്തിയില് ചെെനയുമായി സംഘര്ഷ സാദ്ധ്യത നിലനില്ക്കുന്നതിനിടെ നവീകരിച്ച പിനക റോക്കറ്റ് പരീക്ഷണം വിജയകരമായി പൂര്ത്തിയാക്കി ഇന്ത്യ. പിനക മള്ട്ടി ബാരല് റോക്കറ്റ് സിസ്റ്റത്തിന്റെ മെച്ചപ്പെടുത്തിയ പതിപ്പാണ് ഡി.ആര്.ഡി.ഒ ഇന്ന് വിജയകരമായി പരീക്ഷിച്ചത്.
ഡി.ആര്.ഡി.ഒ തദ്ദേശീയമായി വികസിപ്പിച്ചെടുത്ത പുതിയ പിനക റോക്കറ്റുകള്ക്ക് 60 മുതല് 90 കിലോ മീറ്റര് വരെ ദൂരം മറികടക്കാനാകും. മുമ്പത്തെ എം.കെ -1 റോക്കറ്റുമായി താരതമ്യപ്പെടുത്തുമ്പോള് പുതിയ റോക്കറ്റ് സിസ്റ്റത്തിന് ദൈര്ഘ്യമേറെയുണ്ടെന്നും ഡി.ആര്.ഡി.ഒ അറിയിച്ചു. ഒഡീഷ തീരത്തുള്ള ചണ്ഡിപൂരിലെ ഇന്റഗ്രേറ്റഡ് ടെസ്റ്റ് റേഞ്ചിലാണ് പരീക്ഷണ പറക്കല് നടത്തിയത്.
ഡിആര്ഡിഒയുടെ പൂനെ കേന്ദ്രീകരിച്ച് പ്രവര്ത്തിക്കുന്ന എആര്ഡിഇ, എച്ച്ഇഎംആര്എല് എന്നീ ഗവേഷണ കേന്ദ്രങ്ങളാണ് പുതിയ പിനാക റോക്കറ്റ് സംവിധാനം രൂപകല്പന ചെയ്തതും വികസിപ്പിച്ചതും. തുടര്ച്ചയായി ഒന്നിന് പിറകെ ഒന്നായി ആറ് റോക്കറ്റുകളാണ് വിക്ഷേപിച്ചത്. ടെലിമെട്രി, റഡാര്, എലക്ട്രോ ഒപ്ടിക്കല് ട്രാക്കിങ് സിസ്റ്റംസ് എന്നിവ ഉപയോഗിച്ചായിരുന്നു വിക്ഷേപണം.
read also: ജമ്മുവില് അതിര്ത്തിക്കടുത്ത് പാകിസ്ഥാനിൽ നിന്നും കുഴിച്ച ഭൂഗര്ഭപാത ബി.എസ്.എഫ് കണ്ടെത്തി
നിലവില് നിര്മാണത്തിലുള്ള എംകെ1 റോക്കറ്റ് പതിപ്പിന് പകരമായാകും പരിഷ്കരിച്ച പതിപ്പ് എത്തുക. പരീക്ഷണം പൂര്ണമായും ഫലംകാണുകയും ചെയ്തു. നാഗ്പൂരിലെ എകണോമിക് എക്സ്പ്ലോസീവ് ലിമിറ്റഡാണ് പരീക്ഷണത്തിനുള്ള റോക്കറ്റുകള് നിര്മിച്ചത്. യഥാര്ത്ഥ നിയന്ത്രണ രേഖയില് ചെെന ഉയര്ത്തുന്ന വെല്ലുവിളികളെ നേരിടുന്നതിനാണ് പുതിയ റോക്കറ്റ് പരീക്ഷണം നടത്തിയത്.
മെച്ചപ്പെടുത്തിയ പിനക മള്ട്ടി ബാരല് റോക്കറ്റുകള് അതിര്ത്തിയില് സ്ഥാപിക്കും. സംഘര്ഷത്തെ തുടര്ന്ന് അതിര്ത്തിയില് ചെെന കൂടുതല് റോക്കറ്റുകള് സ്ഥാപിച്ചിരിക്കുന്നതിനാലാണ് ഇന്ത്യന് സേനയുടെ പുതിയ നീക്കം.
#WATCH: An advanced version of the DRDO-developed Pinaka today successfully flight tested from Integrated Test Range, Chandipur off the coast of Odisha. A total of 6 rockets were launched in series and all the tests met complete mission objectives. pic.twitter.com/CoBfx1y8As
— ANI (@ANI) November 4, 2020
