മുൻപ് നല്ല വലുപ്പത്തിലാണ് മത്തി കിട്ടികൊണ്ടിരുന്നത്. എന്നാൽ ഇപ്പോൾ ആവട്ടേ … ചെറിയ മത്തിയാണ് മാസങ്ങളായി കിട്ടുന്നത്. എന്താണ് ഇതിന് പിന്നിലെ കാരണം. ? . കാലാവസ്ഥാ വ്യതിയാനമാണ് മത്തിയുടെ വലുപ്പത്തിൽ മാറ്റം സംഭവിക്കുന്നതിലെ പ്രധാന കാരണമായി പറയുന്നത്. സാധാരണ മത്തിയുടെ വലുപ്പം എന്നത് 20 സെന്റീമീറ്ററാണ്. എന്നാൽ ഇപ്പോൾ ലഭിക്കുന്ന മത്തിയുടെ വലുപ്പം എന്നത് 12 മുതൽ 15 സെന്റീമീറ്ററാണ് .
അതേസമയം മത്തിയുടെ വലുപ്പത്തിൽ മാത്രമല്ല രുചിയിലും മാറ്റം വന്നിട്ടുണ്ട് എന്ന് മത്സ്യതൊഴിലാളികൾ പറയുന്നു. ഇതിന് പുറമേ മത്തിയുടെ വലുപ്പം കുറഞ്ഞത് വിപണയിൽ ഡിമാന്റ് കുറഞ്ഞു. മാസങ്ങളായി ഒരേ വലുപ്പത്തിൽ ലഭിക്കുന്ന മത്തിക്ക് ആവശ്യക്കാർ കുറഞ്ഞതോടെ മത്സ്യത്തൊഴിലാളികളും ദുരിതത്തിലായി മാറി.
കാലാവസ്ഥാ മാറ്റം സാരമായി മത്സ്യസമ്പത്തിനെ ബാധിച്ചിട്ടുണ്ട് എന്നാണ് കേന്ദ്ര സമുദ്ര ഗവേഷണ കേന്ദ്രം ഡയറക്ടർ ഗ്രിൻസൺ ജോർജ് പറയുന്നത്. എൽനിനോ പ്രതിഭാസവും മത്തിയുടെ വളർച്ച കുറയാൻ കാരണമായി. എൽ നിനോ മൂലം സമുദ്ര താപനം വർധിക്കുന്നതാണ് ഇതിന് കാരണം. മറ്റൊരു കാരണമായി പറയുന്നത് പ്രജനന സമയം നീണ്ടു പോയതും മത്തിയുടെ വളർച്ചയെ സാരമായി ബാധിച്ചിട്ടുണ്ട്. 2020 ലെ കണക്കുകളുമായി താരതമ്യം ചെയ്യുമ്പോൾ 75 % കുറവാണ് ഉണ്ടായത്.
ഒരു സമയത്ത് 400 രൂപയാണ് മത്തിയ്ക്ക് ഉണ്ടായ വില . എന്നാൽ ഇപ്പോഴോ വെറും 18 രൂപയാണ് മത്തിയുടെ വില. മത്സ്യ തൊഴിലാളികൾ വൻ നഷ്ടമാണ് ഇപ്പോൾ നേരിടേണ്ടി വരുന്നത്.
Discussion about this post