മുൻ കേന്ദ്രമന്ത്രി രാജീവ് ചന്ദ്രശേഖർ ബിജെപി സംസ്ഥാന അദ്ധ്യക്ഷനാകും. ഇന്ന് ഇത് സംബന്ധിച്ചു ഔദ്യോഗിക പ്രഖ്യാപനംഉണ്ടാവും .രാവിലെ 11ന് സംസ്ഥാന കൗൺസിൽ യോഗത്തിൽവരണാധികാരിയായ കേന്ദ്രമന്ത്രി പ്രഹ്ലാദ് ജോഷി ഔദ്യോഗിക പ്രഖ്യാപനം നടത്തും.
കേരളത്തിന്റെ പ്രഭാരിയായ പ്രകാശ് ജാവഡേക്കർ ഇന്നലെ ചേർന്ന കോർകമ്മിറ്റി യോഗത്തിലാണ്കേന്ദ്രനേതൃത്വത്തിന്റെ നോമിനി രാജീവ് ചന്ദ്രശേഖർ ആണെന്ന് അറിയിച്ചത്. തുടർന്ന്അദ്ധ്യക്ഷസ്ഥാനത്തേക്ക് രാജീവ് നാമനിർദേശ പത്രിക നൽകി. പ്രധാന നേതാക്കളെല്ലാം പിന്തുണച്ച്ഒപ്പിട്ട പത്രികയാണു സമർപ്പിച്ചത്
ബിജെപിയുടെ ദേശീയ വക്താവായും എന്ഡി എയുടെ കേരള ഘടകം വൈസ് ചെയര്മാനായുംപ്രവര്ത്തിച്ച വ്യക്തിയാണ് രാജീവ് ചന്ദ്രശേഖർ.നൈപുണ്യവികസന സംരംഭകത്വം, ഇലക്ട്രോണിക്സ്ആന്റ് ഇന്ഫര്മേഷന് ടെക്നോളജി വകുപ്പുകളുടെ സഹമന്ത്രിയായി പ്രവര്ത്തിച്ചു. 2016 മുതല്2018 വരെ കര്ണ്ണാടകയെ പ്രതിനിധീകരിച്ച് സ്വതന്ത്ര രാജ്യസഭാംഗമായിരുന്നു. 2018ലാണ്ബിജെപിയില് ചേർന്നത്.
ഇന്ത്യ ടുഡേ മാഗസിന് 2017 ല് തെരഞ്ഞെടുത്ത ഇന്ത്യയിലെ ഏറ്റവും ശക്തരായ വ്യക്തികളുടെപട്ടികയില് 41-ാം സ്ഥാനം നേടിയ നേതാവാണ് രാജീവ് ചന്ദ്രശേഖർ. 2006-ൽ ജൂപ്പിറ്റർ ക്യാപിറ്റൽസ്ഥാപിച്ച രാജീവ് ചന്ദ്രശേഖർ 2014 വരെ ചെയർമാനായി പ്രവർത്തിച്ചു. ഏഷ്യാനെറ്റ് ന്യൂസ്, സുവർണ ന്യൂസ്, കന്നഡ പ്രഭ തുടങ്ങിയ മാധ്യമസ്ഥാപനങ്ങള് ജൂപ്പിറ്റർ ക്യാപ്പിറ്റല്സിന് കീഴില്വരുന്ന മാധ്യമ സ്ഥാപനങ്ങളാണ്.
1964 മെയ് 31 ഗുജറാത്തിലെ അഹമ്മദാബാദിലാണ് ജനനം. മാതാപിതാക്കള് മലയാളികളാണ്. ബിപി എല് ഗ്രൂപ്പിന്റെ സ്ഥാപകന് ടി പിജി നമ്പ്യാരുടെ മകൾ അഞ്ജുവാണ് ഭാര്യ.മണിപ്പാല് ഇന്സ്റ്റിറ്റ്യൂട്ട്ഓഫ് ടെക്നോളജിയില് നിന്ന് ഇലക്ട്രിക്കല് എഞ്ചിനിയറിംഗില് ബിരുദം നേടിയ രാജീവ്ചിക്കാഗോയിലെ ഇല്ലിനോയി ഇന്സ്റ്റിറ്റ്യൂട്ട് ഓഫ് ടെക്നോളജിയില് നിന്ന് കമ്പ്യൂട്ടര് സയന്സില്ബിരുദാനന്തര ബിരുദവും കരസ്ഥമാക്കിയിട്ടുണ്ട്. ഹാര്വാര്ഡ് യൂണിവേഴ്സിറ്റിയില് നിന്ന്അഡ്വാന്സ് മാനേജ്മെന്റ് പ്രോഗ്രാം പൂര്ത്തിയാക്കി.
Discussion about this post