ന്യൂഡൽഹി : ജൂൺ 19ന് നടന്ന നിയമസഭാ ഉപതിരഞ്ഞെടുപ്പുകളുടെ ഫലം പുറത്തുവരുന്നു. ഗുജറാത്ത്, കേരളം, പശ്ചിമ ബംഗാൾ, പഞ്ചാബ് എന്നിവിടങ്ങളിലെ അഞ്ച് നിയമസഭാ സീറ്റുകളിലേക്കാണ് ഉപതിരഞ്ഞെടുപ്പ് നടന്നത്. കേരളത്തിലെ നിലമ്പൂർ മണ്ഡലത്തിൽ നടന്ന ഉപതിരഞ്ഞെടുപ്പിൽ യുഡിഎഫ് ലീഡ് ചെയ്യുന്നു. കോൺഗ്രസ് സ്ഥാനാർത്ഥി ആര്യാടൻ ഷൗക്കത്ത് ആണ് നിലമ്പൂരിൽ മുന്നിട്ട് നിൽക്കുന്നത്.
ഗുജറാത്തിൽ രണ്ടു നിയമസഭാ സീറ്റുകളിലേക്കാണ് ഉപതെരഞ്ഞെടുപ്പ് നടന്നത്. രണ്ട് സീറ്റുകളിലും ബിജെപിയാണ് ലീഡ് ചെയ്യുന്നത്. പഞ്ചാബിൽ ആം ആദ്മി പാർട്ടി ആണ് ലീഡ് ചെയ്യുന്നത്. പശ്ചിമബംഗാളിലെ കാളിഗഞ്ചിൽ നടന്ന ഉപതിരഞ്ഞെടുപ്പിൽ തൃണമൂൽ കോൺഗ്രസ് ആണ് മുന്നിട്ടുനിൽക്കുന്നത്.
Discussion about this post