എന്തുചെയ്യണമെന്ന് നിങ്ങൾ ഞങ്ങളെ പഠിപ്പിക്കേണ്ട കാര്യമില്ല, കട്ടകലിപ്പിൽ ഗൗതം ഗംഭീർ; പരിശീലനത്തിൽ നിന്നുള്ള വീഡിയോ വൈറൽ

ഇംഗ്ലണ്ടിനെതിരായ ആൻഡേഴ്‌സൺ-ടെണ്ടുൽക്കർ ട്രോഫി അഞ്ചാം ടെസ്റ്റിന് മുന്നോടിയായി ഓവൽ പിച്ച് ക്യൂറേറ്റർ ലീ ഫോർട്ടിസുമായി ഇന്ത്യൻ പരിശീലകൻ ഗൗതം ഗംഭീർ രൂക്ഷമായ വാക്കുതർക്കത്തിൽ ഏർപ്പെട്ടതായി റിപ്പോർട്ട്. എന്നിരുന്നാലും, ഗംഭീർ കോപാകുലനായതിന്റെ കാരണം നിലവിൽ വ്യക്തമല്ല.

ചൊവ്വാഴ്ച വേദിയിൽ ഇന്ത്യയുടെ പരിശീലന സെഷനിലാണ് സംഭവം നടന്നത്. വാക്കുതർക്കത്തിന്റെ വീഡിയോ വാർത്താ ഏജൻസിയായ പി‌ടി‌ഐ സോഷ്യൽ മീഡിയ പ്ലാറ്റ്‌ഫോമായ എക്‌സിൽ പങ്കിട്ടു. ക്ലിപ്പിൽ, ഗൗതം ഗംഭീർ ക്യൂറേറ്ററോട് ഇങ്ങനെ പറയുന്നത് കേട്ടു:

“എന്തുചെയ്യണമെന്ന് നിങ്ങൾ ഞങ്ങളെ പഠിപ്പിക്കേണ്ട കാര്യമില്ല.”

അതേസമയം, അഞ്ച് മത്സരങ്ങളുള്ള പരമ്പര 2-2 ന് സമനിലയിലാക്കാൻ ശ്രമിക്കുന്ന ടീം ഇന്ത്യയ്ക്ക് ശേഷിക്കുന്ന അഞ്ചാം ടെസ്റ്റ് മത്സരത്തിൽ ജയം അനിവാര്യമാണ്. നിലവിൽ ഇംഗ്ലണ്ട് 2-1 ന് മുന്നിലാണ്, ഒരു വിജയമോ സമനിലയോ നേടിയാൽ ആദ്യ ആൻഡേഴ്‌സൺ-ടെണ്ടുൽക്കർ ട്രോഫി അവർ സ്വന്തമാക്കും.

ജൂലൈ 31 മുതൽ ഓഗസ്റ്റ് 4 വരെ ലണ്ടനിലെ ഓവലിൽ വെച്ചാണ് നിർണായക മത്സരം നടക്കുക. വൈസ് ക്യാപ്റ്റൻ ഋഷഭ് പന്ത് ഇല്ലാതെയാണ് ഇന്ത്യ കളിക്കുന്നത്. കാൽവിരലിലെ പരിക്ക് കാരണം വിക്കറ്റ് കീപ്പർ ബാറ്റ്‌സ്മാൻ മത്സരത്തിൽ കളിക്കില്ല.

VIDEO | Indian team's head coach Gautam Gambhir was seen having verbal spat with chief curator Lee Fortis at The Oval Cricket Ground in London ahead of the last Test match of the series starting Thursday.

After having drawn the fourth Test at Old Trafford, India have a chance… pic.twitter.com/hfjHOg9uPf

— Press Trust of India (@PTI_News) July 29, 2025