ആരാടാ പറഞ്ഞത് ഗില്ലിന് ഒന്നും ടെസ്റ്റ് ക്യാപ്റ്റൻസി പറ്റില്ലെന്ന്, ഇംഗ്ലണ്ട് ക്യാമ്പിനെ ഞെട്ടിച്ച് നായകന്റെ ബ്രില്ലിയൻസ്; വീഡിയോ കാണാം

ഇംഗ്ലണ്ടിനെതിരായ അ‍ഞ്ചാം ക്രിക്കറ്റ് ടെസ്റ്റിൽ ഇന്ത്യക്കെതിരെ 374 റൺസ് വിജയലക്ഷ്യം പിന്തുടരുന്ന ഇംഗ്ലണ്ട് ഒരു വിക്കറ്റിന് 50 റൺസ് എന്ന നിലയിലാണ് ഇപ്പോൾ നിൽക്കുന്നത്. 34 റൺസോടെ ബെൻ ഡകറ്റ് ക്രീസിൽ നിൽക്കുമ്പോൾ ജോ റൂട്ട് അദ്ദേഹത്തിന്റെ പങ്കാളിയായി ഇന്ന് ക്രീസിലെത്തും . ഓപ്പണിംഗ് വിക്കറ്റിൽ 50 റൺസ് കൂട്ടിച്ചേർത്ത് സാക് ക്രോളി-ബെൻ ഡക്കറ്റ് സഖ്യം പണി ആകുമെന്ന് തോന്നിച്ച സമയത്താണ് ദിവസത്തിന്റെ അവസാന പന്തിൽ ക്രോളിയെ ബൗൾഡ് ആക്കി സിറാജ് ഇന്ത്യയുടെ രക്ഷകനായത്.

ഇന്ത്യ ഉയർത്തിയ മികച്ച സ്കോർ പിന്തുടർന്ന ഇംഗ്ലണ്ടിന് മികച്ച തുടക്കമാണ് ഓപ്പണർമാർ നൽകിയത്. ആദ്യ ഇന്നിംഗിലെ പോലെ അല്ലെങ്കിലും ആക്രമണത്തോടൊപ്പം ക്‌ളാസ് ബാറ്റിങ്ങും ചേർന്ന ശൈലിയിൽ ഇരുവരും ബാറ്റ് ചെയ്ത് മുന്നേറി. അതിനിടയിൽ ദിവസത്തിന്റെ അവസാന ഓവർ എറിയാൻ മുഹമ്മദ് സിറാജ് എത്തുന്നു. അവിടെയാണ് ഗില്ലിലെ നായകന്റെ ബുദ്ധി ആരാധകർ സമ്മതിച്ച് കൊടുത്തത്.

How Siraj fooled Crawley in the last over?

There was usual delay happening as the clock was ticking. Jaiswal was sent in deep at square leg position which Crawley saw. He was anticipitating a short ball but Siraj surprised him with a perfect yorker which he wasn’t prepared for. pic.twitter.com/hZV25ibUeD

— Aditya Saha (@Adityakrsaha) August 2, 2025

ബൗൺസർ എറിയാൻ എന്ന പ്ലാനിൽ രണ്ട് ഫീൽഡർമാരെ അദ്ദേഹം ലെഗ് സൈഡ് ബൗണ്ടറിയിൽ നിർത്തി ഇതോടെ അടുത്ത പന്ത് ബൗൺസർ ആയിരിക്കുമെന്ന് ക്രോളി കണക്കുകൂട്ടി. എന്നാൽ സിറാജ് ആകട്ടെ നല്ല തകർപ്പൻ ഒരു യോർക്കർ ആണ് എറിഞ്ഞത്. ഇത് താരത്തിന്റെ സ്റ്റമ്പ് പിഴുതെടുക്കുകയും ചെയ്‌തു.

Crawley didn’t want another over; Siraj made sure of it 🤷‍♂️ #SonySportsNetwork #ENGvIND #NayaIndia #DhaakadIndia #TeamIndia #ExtraaaInnings | @mdsirajofficial pic.twitter.com/uWi1v0CNYA

— Sony Sports Network (@SonySportsNetwk) August 2, 2025

ദിവസത്തിന്റെ അവസാനം ആധിപത്യം നിലനിർത്താൻ ഇന്ത്യക്ക് ഈ വിക്കറ്റ് വളരെ ആവശ്യവും ആയിരുന്നു. എന്തായാലും ഇന്ന് തുടക്കത്തിൽ തന്നെ വിക്കറ്റുകൾ നേടി മത്സരം അവസാന ദിവസത്തിലേക്ക് നേടാതെ ജയം സ്വന്തമാക്കാനാണ് ഇന്ത്യ ശ്രമിക്കുക. ഇംഗ്ലണ്ടിനെ സംബന്ധിച്ച് അവർക്ക് ജയിക്കാൻ മികച്ച കൂട്ടുകെട്ടുകൾ ആവശ്യമാണ്.