പാകിസ്ഥാനില് ഇനി ഹോളി, ദീപാവലി, ഈസ്റ്റര് പൊതു അവധിയായിരിക്കും. പാക് പാര്ലമെന്റ് ആണ് അവധി പ്രഖ്യാപിച്ചത്. നിയമ വിഗദ്ധന് ഡോ: രമേഷ്കുമാര് വാങ്ക്വാനി അവതരിപ്പിച്ച പ്രമേയം പരിഗണിച്ചാണ് ന്യൂനപക്ഷങ്ങളുടെ വിശേഷ ദിവസങ്ങള്ക്ക് അവധി നല്കാന് പാര്ലമെന്റ് തീരുമാനിച്ചത്. അതേ സമയം പാര്ലമെന്റില് തീരുമാനത്തെ ആരും എതിര്ത്തില്ല.
ന്യൂനപക്ഷങ്ങള്ക്ക് അവരവരുടെ മതപരമായ ചടങ്ങുകള്ക്ക് പ്രാദേശികമായി നേരത്തെ അവധി ഉണ്ടായിരുന്നു. ഇത്തവണയാണ് രാജ്യത്ത് ആകമാനം അവധി പ്രഖ്യാപിച്ചതെന്ന് മതകാര്യ മന്ത്രി പിര് അമിനുല് ഹസ്നത് ഷാ പറഞ്ഞു. എന്നാല് നിയമമന്ത്രി പര്വേയ്സ് റാഷിദ് നിലവില് തന്നെ അവധി ദിനങ്ങളുടെ എണ്ണം അധികമാണെന്ന അഭിപ്രായം ഉന്നയിച്ചു. എന്നാല് പ്രമേയത്തെ എതിര്ക്കാന് തയ്യാറായില്ല. എല്ലാവര്ക്കും മതസ്വാതന്ത്യം പാകിസ്ഥാനിലുണ്ടെന്നും മന്ത്രി കൂട്ടിചേര്ത്തു
Discussion about this post