ഭാരതത്തിന്റെ പ്രതിരോധത്തിന് ത്രിശക്തികൾ ഒന്നിച്ച് ; ഇന്റഗ്രേറ്റഡ് എയർ ഡിഫൻസ് വെപ്പൺ സിസ്റ്റത്തിന്റെ ആദ്യ പറക്കൽ പരീക്ഷണം വിജയകരം

ഭുവനേശ്വർ : ഇന്ത്യയുടെ അഭിമാന പദ്ധതിയായ ഇന്റഗ്രേറ്റഡ് എയർ ഡിഫൻസ് വെപ്പൺ സിസ്റ്റത്തിന്റെ (ഐഎഡിഡബ്ല്യുഎസ്) ആദ്യ പറക്കൽ പരീക്ഷണം വിജയകരമായി നടത്തി ഡിഫൻസ് റിസർച്ച് ആൻഡ് ഡെവലപ്‌മെന്റ് ഓർഗനൈസേഷൻ (ഡിആർഡിഒ). ഒഡീഷ തീരത്ത് വച്ചാണ് സംയോജിത വ്യോമ പ്രതിരോധ ആയുധ സംവിധാനത്തിന്റെ ആദ്യ പറക്കൽ പരീക്ഷണം നടത്തിയത്. പരീക്ഷണങ്ങൾ വിജയകരമായി പൂർത്തിയാക്കിയതിന് പ്രതിരോധ മന്ത്രി രാജ്നാഥ് സിംഗ് ഡിആർഡിഒയെ അഭിനന്ദനങ്ങൾ അറിയിച്ചു.

ഇന്ത്യ തദ്ദേശീയമായി വികസിപ്പിച്ചെടുത്ത എല്ലാ ക്വിക്ക് സ്ട്രൈക്ക് സർഫേസ്-ടു-എയർ മിസൈലുകളും (QRSAM), അഡ്വാൻസ്ഡ് വെരി ഷോർട്ട് റേഞ്ച് എയർ ഡിഫൻസ് സിസ്റ്റം (VSHORADs) മിസൈലുകളും ഉയർന്ന പവർ ലേസർ അധിഷ്ഠിത ഡയറക്റ്റഡ് എനർജി വെപ്പണും (DEW) ഉൾപ്പെടുന്ന ഒരു മൾട്ടി-ലെയേർഡ് എയർ ഡിഫൻസ് സിസ്റ്റമാണ് ഐഎഡിഡബ്ല്യുഎസ്. എല്ലാ ആയുധ സംവിധാന ഘടകങ്ങളുടെയും സംയോജിത പ്രവർത്തനം നടത്തുന്നത് ഡിആർഡിഒ വികസിപ്പിച്ചെടുത്ത ഒരു കേന്ദ്രീകൃത കമാൻഡ് ആൻഡ് കൺട്രോൾ സെന്ററിൽ നിന്നാണ്. പറക്കൽ പരീക്ഷണങ്ങൾക്കിടെ, വ്യത്യസ്ത ദൂരങ്ങളിലും ഉയരങ്ങളിലുമുള്ള മൂന്ന് വ്യത്യസ്ത ലക്ഷ്യങ്ങളെ QRSAM, VSHORADS, ഹൈ എനർജി ലേസർ ആയുധ സംവിധാനം എന്നിവ ഒരേസമയം ആക്രമിച്ചു. ലക്ഷ്യങ്ങൾ പൂർണ്ണമായും നശിപ്പിക്കപ്പെട്ടു.

“IADWS ന്റെ വിജയകരമായ വികസനത്തിന് DRDO, ഇന്ത്യൻ സായുധ സേന, വ്യവസായം എന്നിവയെ ഞാൻ അഭിനന്ദിക്കുന്നു. ഈ അതുല്യമായ പറക്കൽ പരീക്ഷണം നമ്മുടെ രാജ്യത്തിന്റെ ബഹുതല വ്യോമ പ്രതിരോധ ശേഷി സ്ഥാപിച്ചു. ശത്രു വ്യോമ ഭീഷണികൾക്കെതിരായ പ്രധാനപ്പെട്ട സൗകര്യങ്ങൾക്കായി ഇത് പ്രാദേശിക പ്രതിരോധം ശക്തിപ്പെടുത്തും” എന്ന് പ്രതിരോധ മന്ത്രി രാജ്നാഥ് സിംഗ് എക്സിൽ പങ്കുവെച്ച പോസ്റ്റിൽ അറിയിച്ചു.