പാകിസ്താൻ സൈനിക മേധാവി ഫീൽഡ് മാർഷൽ അസിം മുനീറിനെതിരെ ഭീഷണിയുമായി താലിബാൻ.’നീ ഒരു പുരുഷനാണെങ്കിൽ ഞങ്ങളെ നേരിടൂ. ‘നീ അമ്മയുടെ പാൽ കുടിച്ചിട്ടുണ്ടെങ്കിൽ ഞങ്ങളോട് പോരാടൂയെന്ന് കമാൻഡർ കാസിം ഭീഷണിപ്പെടുത്തി.പാകിസ്താൻ സൈന്യം സൈനികരെ മരിക്കാൻ അയയ്ക്കുന്നത് ഒഴിവാക്കണമെന്നും പകരം ഉന്നത ഉദ്യോഗസ്ഥർ സ്വയം യുദ്ധക്കളത്തിലേക്ക് എത്തണമെന്നും ടിടിപിയുടെ ഉന്നത കമാൻഡർ പറയുന്നു.
ഒക്ടോബർ 8 ന് ഖൈബർ പഖ്തൂൺഖ്വയിലെ കുറാമിൽ നടന്ന പതിയിരുന്നാക്രമണത്തിന്റെ യുദ്ധക്കള ദൃശ്യങ്ങൾ പുറത്ത് വന്നിട്ടുണ്ട്. അതിൽ 22 പാകിസ്താൻ സൈനികർ കൊല്ലപ്പെട്ടതായി ടിടിപി അവകാശപ്പെടുകയും പിടിച്ചെടുത്ത വെടിയുണ്ടകളും വാഹനങ്ങളും കാണിക്കുകയും ചെയ്യുന്നു. പാകിസ്താന്റെ ഔദ്യോഗിക കണക്കുകളിൽ ഇതുവരെ കുറഞ്ഞ മരണങ്ങൾ മാത്രമേ രേഖപ്പെടുത്തിയിട്ടുള്ളൂ: ആക്രമണത്തിൽ 11 സൈനികർ കൊല്ലപ്പെട്ടതായി സൈന്യം സമ്മതിച്ചിട്ടുണ്ട്.
Discussion about this post