ലഖ്നൗ : വിക്രംശില എക്സ്പ്രസിന് ബോംബ് ഭീഷണി. ട്രെയിനിനുള്ളിൽ ഒരു തീവ്രവാദിയും ബോംബും ഉണ്ടെന്നാണ് റെയിൽവേ ആസ്ഥാനത്ത് സന്ദേശം ലഭിച്ചത്. ഭഗൽപൂരിൽ നിന്ന് ആനന്ദ് വിഹാറിലേക്ക് പോകുകയായിരുന്ന വിക്രംശില എക്സ്പ്രസിലാണ് തീവ്രവാദിയും ബോംബും ഉണ്ടെന്ന് ഭീഷണി സന്ദേശം ലഭിച്ചത്.
ഭീഷണി സന്ദേശം ലഭിച്ചതിനെത്തുടർന്ന് ഞായറാഴ്ച അലിഗഡ് ജംഗ്ഷൻ റെയിൽവേ സ്റ്റേഷനിൽ വലിയ പരിഭ്രാന്തി പരന്നു. മുന്നറിയിപ്പ് ലഭിച്ചയുടനെ ആർപിഎഫ്, ജിആർപി, ലോക്കൽ പോലീസ് എന്നിവർ ഉടൻ പ്രത്യേക മെമ്മോ നൽകി അഞ്ചാം നമ്പർ പ്ലാറ്റ്‌ഫോമിൽ ട്രെയിൻ നിർത്താൻ ആവശ്യപ്പെട്ടു. പോലീസും ബോംബ് ഡിറ്റക്ഷൻ സ്ക്വാഡും ഡോഗ് സ്ക്വാഡും എല്ലാ കോച്ചുകളിലും തുടരുകയാണ്.
ഭഗൽപൂരിൽ നിന്ന് ഡൽഹിയിലെ ആനന്ദ് വിഹാറിലേക്ക് പോകുന്ന വിക്രംശില എക്സ്പ്രസിൽ ഒരു തീവ്രവാദി ബോംബുമായി കയറിയതായി റെയിൽവേ ആസ്ഥാനത്തിന് വിവരം ലഭിക്കുകയായിരുന്നു. എക്സ്പ്രസിന് അലിഗഡിൽ സ്റ്റോപ്പില്ലെങ്കിലും ഭീഷണി വിവരം കാരണം ഒരു പ്രത്യേക മെമ്മോ പുറപ്പെടുവിച്ച് ട്രെയിൻ അലിഗഡിൽ നിർത്തി പരിശോധന നടത്തുകയായിരുന്നു. സംശയാസ്പദമായ ഒന്നും കണ്ടെത്താൻ കഴിഞ്ഞിട്ടില്ല എന്നാണ് റെയിൽവേ നൽകുന്ന സൂചന.
Discussion about this post