ഡൽഹി ചെങ്കോട്ടയ്ക്കടുത്ത് ഭീകരാക്രമണം നടത്തിയ ഡോ.ഉമർ നബിയുടെ ഞെട്ടിക്കുന്ന വീഡിയോ പുറത്ത്. ചാവേർ ആക്രമണത്തെ ന്യായീകരിക്കുന്ന വീഡിയോയാണ് പുറത്തുവന്നത്. ഭീകരാക്രമണത്തിന് മുമ്പ് റെക്കോർഡ് ചെയ്ത വീഡിയോ ആണ് പുറത്തുവന്നതെന്നാണ് വിവരം. ചാവേർ ആക്രമണം എന്ന ആശയം വളരെ തെറ്റിദ്ധരിക്കപ്പെട്ടുന്നെന്നും യഥാർഥത്തിൽ ഇതൊരു രക്തസാക്ഷിത്വ പ്രവർത്തനം കൂടിയാണെന്നും ഉമർ നബി വീഡിയോയിൽ പറയുന്നു
ഒഴുക്കോടെ ഇംഗ്ലീഷിൽ സംസാരിക്കുന്ന ഡോ. ഉമർ, ‘ചാവേർ ബോംബിംഗ്’ എന്ന് വിളിക്കപ്പെടുന്നത് യഥാർത്ഥത്തിൽ ഒരു ‘രക്തസാക്ഷിത്വ പ്രവർത്തനം’ ആണെന്ന് പറയുന്നു.പലപ്പോഴും ചാവേർ ബോംബിംഗ് എന്ന് മുദ്രകുത്തപ്പെടുന്നത് യഥാർത്ഥത്തിൽ ഇസ്ലാമിൽ ഒരു രക്തസാക്ഷിത്വ പ്രവർത്തനമാണെന്ന് വിശദീകരിക്കുന്നു.രക്തസാക്ഷിത്വത്തിനെതിരെ വാദങ്ങളും വൈരുദ്ധ്യങ്ങളും ഉണ്ടെന്ന് ഉമർ അവകാശപ്പെടുന്നു.
ഒരു പ്രത്യേകസ്ഥലത്തുവെച്ച് ഒരു പ്രത്യേകസമയത്ത് താൻ മരിക്കുമെന്ന് കരുതി ഒരുവ്യക്തി മരിക്കാൻ പോകുന്നതിനെയാണ് രക്തസാക്ഷിത്വം എന്ന് പറയുന്നതെന്നാണ് ഉമർ വീഡിയോയിൽ അവകാശപ്പെടുന്നത്.
ചെങ്കോട്ട സ്ഫോടനം ആസൂത്രണം ചെയ്ത ‘വൈറ്റ് കോളർ’ ഫരീദാബാദ് ഭീകര സംഘത്തിലെ പ്രധാനിയായ ഉമർ, വ്യക്തികളെ ബ്രയിൻവാഷ് ചെയ്യുന്നതിനായാണ് ഈ വീഡിയോ നിർമ്മിച്ചതെന്നാണ് അന്വേഷണ ഉദ്യോഗസ്ഥർ കരുതുന്നത്.
Discussion about this post