മുതിർന്ന നേതാവിനെ കൊലപ്പെടുത്തിയ ഇസ്രായേലിനോട് ഹിസ്ബുല്ല പ്രതികാരം ചെയ്യാൻ ഒരുങ്ങുന്നതായി സൂചന.ഇസ്രായേലുമായി ഒരു പുതിയ സംഘർഷത്തിനുള്ള സാധ്യത തുറന്നിട്ടതായി ലെബനീസ് ഗ്രൂപ്പായ ഹിസ്ബുല്ല തലവൻ പറയുന്നു. ഇസ്രായേൽ തങ്ങളുടെ ഉന്നത സൈനിക മേധാവിയെ ദിവസങ്ങൾക്ക് മുമ്പ് കൊലപ്പെടുത്തിയതിന് മറുപടി നൽകാനുള്ള അവകാശം നിലനിർത്തിയതായി ഹിസ്ബുല്ല തലവൻ കൂട്ടിച്ചേർത്തു.
രാജ്യത്തുടനീളമുള്ള ആയുധശേഖരം ഉപേക്ഷിക്കാൻ ഹിസ്ബുള്ളയെ നിർബന്ധിതരാക്കാൻ ഇസ്രായേൽ രാജ്യത്തിനു നേരെയുള്ള ബോംബാക്രമണം വർദ്ധിപ്പിച്ചേക്കുമെന്ന ആശങ്ക ലെബനനിൽ വർദ്ധിച്ചുവരുന്നതിനിടെയാണ് നയിം ഖാസിമിന്റെ പരാമർശം.
ഏതാരു പ്രതികാര നടപടിക്കും ‘സമയം നിശ്ചയിക്കുന്നത്’ തങ്ങളാണെന്ന് ഖാസിം പറഞ്ഞു.പിന്നീട് ഒരു യുദ്ധം പ്രതീക്ഷിക്കുന്നുണ്ടോ? എന്ന ചോദ്യത്തിന് എപ്പാഴെങ്കിലും അത് സാധ്യമാണ്. അതെ, അത്തരമൊരു സാധ്യതയുണ്ട്, യുദ്ധം ഉണ്ടാകാതിരിക്കാനുള്ള സാധ്യതയും ഉണ്ട്,’ ഖാസിം പറഞ്ഞു.
ബെയ്റൂട്ടിൽ ഞായറാഴ്ച നടത്തിയ വ്യോമാക്രമണത്തിൽ ഹിസ്ബുല്ല ചീഫ് ഓഫ് സ്റ്റാഫ് ഹയ്കം അലി തബാതബയിയാണ് കൊല്ലപ്പെട്ടത്. ഹിസ്ബുല്ലയുടെ സംഘടനാബലം ശക്തിപ്പെടുത്താനും ആയുധ ശേഖരം മെച്ചപ്പെടുത്താനും ചുമതലയുള്ളയാളാണ് തബാതബയി.
