പാലക്കാട് ചിറ്റൂരിലെ മലബാർ ഡിസ്റ്റിലറീസിൽ ഉത്പാദിപ്പിക്കുന്ന പുതിയ മദ്യത്തിന് പേര് കണ്ടെത്തി. നാൽപ്പതിനായിരത്തോളം നിർദ്ദേശങ്ങളിൽ നിന്നാണ് പേര് കണ്ടെത്തിയത്. എന്നാൽ, പുതിയ ബ്രാൻഡിന്റെ പേര് ഉടൻ പുറത്തുവിടാൻ ഒരു സാങ്കേതിക തടസ്സമുണ്ടെന്നാണ് വിവരം. മദ്യത്തിന് പേരിടാൻ പൊതുജനങ്ങളിൽ നിന്ന് നിർദ്ദേശം സ്വീകരിച്ചതിനെതിരെ ഹൈക്കോടതിയിൽ ഒരു കേസ് നിലനിൽക്കുന്നുണ്ട്. ഈ ആഴ്ച തന്നെ കോടതിയുടെ ഗ്രീൻ സിഗ്നൽ ലഭിക്കുമെന്നാണ് ബവ്കോ അധികൃതർ പ്രതീക്ഷിക്കുന്നത്.
ഫെബ്രുവരി 21-ന് പാലക്കാട് പുതിയ പ്ലാൻ്റിൻ്റെ ഉദ്ഘാടന ചടങ്ങിൽ വെച്ച്’ പേര് പ്രഖ്യാപിക്കാനാണ് നീക്കം. പേര് നിർദ്ദേശിച്ചവർക്ക് 10,000 രൂപ പാരിതോഷികവും ബവ്കോ വാഗ്ദാനം ചെയ്തിട്ടുണ്ട്. സഖാവ്, ക്യാപ്റ്റൻ തുടങ്ങിയ പേരുകളും കപ്പിത്താൻ പോലുള്ള പേരുകളും ട്രോളന്മാർ നിർദ്ദേശിച്ചിരുന്നുവെങ്കിലും, ഇതൊന്നുമല്ല സ്വീകരിച്ചതെന്നാണ് വിവരം.
തിരുവല്ലയിലെ പ്ലാന്റിൽ ഉൽപാദിപ്പിക്കുന്ന ജവാൻ റം ആണു നിലവിൽ ബവ്കോ സ്വന്തം നിലയ്ക്കു വിപണിയിലിറക്കുന്ന മദ്യം. ബ്രാൻഡി നിർമാണം ആദ്യമാണ്.
Discussion about this post