ന്യൂഡൽഹി: ലക്ഷക്കണക്കിന് ഇന്ത്യൻ വിദ്യാർത്ഥികളുടെ ഭാവിയും രാജ്യത്തിന്റെ പൊതുസമാധാനവും തകർക്കാൻ ശ്രമിക്കുന്ന അന്താരാഷ്ട്ര മാഫിയകൾക്കും വ്യാജവാർത്താ ശൃംഖലകൾക്കുമെതിരെ കേന്ദ്ര ഐടി മന്ത്രാലയം ഏർപ്പെടുത്തിയ ടെലിഗ്രാം (Telegram) നിരോധനം പൂർണ്ണമായും ശരിവെച്ച് ഡൽഹി ഹൈക്കോടതി. ജൂൺ 21-ന് നടക്കുന്ന നീറ്റ്-യുജി (NEET-UG) പുനപ്പരീക്ഷ അതീവ സുരക്ഷിതമായും സുതാര്യമായും നടത്തുന്നതിന് വേണ്ടി ഐടി ആക്റ്റിന്റെ സെക്ഷൻ 69എ (Sec 69A) പ്രകാരം പ്ലാറ്റ്ഫോം പൂർണ്ണമായി നിരോധിച്ച സർക്കാരിന്റെ അടിയന്തര നടപടി പൂർണ്ണമായും നിയമപരമാണെന്ന് കോടതി വ്യക്തമാക്കി. ജസ്റ്റിസ് തേജ്സ് കരിയ പുറപ്പെടുവിച്ച 39 പേജുള്ള നിർണായക വിധിയിലാണ് രാജ്യസുരക്ഷയ്ക്കും ഇന്ത്യൻ യുവത്വത്തിന്റെ സുരക്ഷിതത്വത്തിനും മുൻഗണന നൽകിക്കൊണ്ടുള്ള കേന്ദ്ര സർക്കാരിന്റെ ശക്തമായ നിലപാടിന് കോടതി പൂർണ്ണ പിന്തുണ പ്രഖ്യാപിച്ചത്.
ന് ടെലിഗ്രാമിന്റെ സാങ്കേതിക ഫീച്ചറുകൾ രാജ്യത്തിന് വലിയ ഭീഷണിയാണെന്ന് കോടതി ചൂണ്ടിക്കാട്ടി. ഭീമമായ പബ്ലിക് ചാനലുകൾ, ക്ലൗഡ് അധിഷ്ഠിത സ്റ്റോറേജ്, വൻതോതിലുള്ള ബോട്ട് (Bot) സംവിധാനങ്ങൾ എന്നിവ ദുരുപയോഗം ചെയ്ത് പരീക്ഷാ പേപ്പറുകൾ വ്യാജമായി നിർമ്മിക്കാനും തട്ടിപ്പ് നടത്താനും രാജ്യവിരുദ്ധ ശക്തികൾ ഈ പ്ലാറ്റ്ഫോം ഉപയോഗിക്കുന്നുണ്ട്. മുൻപ് ഇത്തരം കുറ്റകൃത്യങ്ങൾ കണ്ടെത്തിയപ്പോൾ ചാനലുകളും അക്കൗണ്ടുകളും മാത്രം ബ്ലോക്ക് ചെയ്യുന്ന രീതി (Targeted takedowns) സർക്കാർ പരീക്ഷിച്ചിരുന്നെങ്കിലും, അത് പൂർണ്ണമായും പരാജയപ്പെടുകയായിരുന്നു. ഒരു ചാനൽ പൂട്ടുമ്പോൾ തൊട്ടടുത്ത നിമിഷം വ്യാജന്മാർ മറ്റൊരു ബാക്കപ്പ് ചാനൽ നിർമ്മിച്ച് ആളുകളെ അങ്ങോട്ട് മാറ്റുന്ന രീതിയാണ് പിന്തുടരുന്നത്. ഈ സാഹചര്യത്തിൽ രാജ്യത്ത് ക്രമസമാധാന തകർച്ചയും അരാജകത്വവും ഉണ്ടാക്കാൻ ശ്രമിക്കുന്ന ഇത്തരം വിദേശ ആപ്പുകളെ മുഴുവനായി നിരോധിക്കുകയല്ലാതെ മറ്റൊരു മാർഗ്ഗവുമില്ലെന്ന കേന്ദ്ര നിലപാട് കോടതി അംഗീകരിച്ചു.
ടെലിഗ്രാമിലെ മെസ്സേജ് എഡിറ്റിംഗ് ഫീച്ചർ രാജ്യത്ത് വൻതോതിൽ വ്യാജവാർത്തകൾ ചമയ്ക്കാൻ ഉപയോഗിക്കുന്നതായും ഹൈക്കോടതി കണ്ടെത്തി. പരീക്ഷ കഴിഞ്ഞതിന് ശേഷം, പരീക്ഷയ്ക്ക് മുൻപ് അയച്ച പഴയ മെസ്സേജുകൾ എഡിറ്റ് ചെയ്ത് ചോദ്യപേപ്പർ മുൻപേ ചോർന്നുവെന്ന രീതിയിലുള്ള വ്യാജ പ്രചാരണം നടത്താൻ ഈ ഫീച്ചർ ദുരുപയോഗം ചെയ്യപ്പെടുന്നുണ്ട്. ഇത് ജനങ്ങളെ തെറ്റിദ്ധരിപ്പിക്കാനും വലിയ ക്രമസമാധാന പ്രശ്നങ്ങൾ ഉണ്ടാക്കാനും കാരണമാകും. അതുകൊണ്ടാണ് ജൂൺ 30 വരെ ഈ എഡിറ്റിംഗ് ഫീച്ചർ പ്രവർത്തനരഹിതമാക്കാൻ സർക്കാർ തീരുമാനിച്ചത്. രാജ്യത്തിന്റെ പരമാധികാരവും പൊതുസമാധാനവും സംരക്ഷിക്കാൻ സർക്കാർ എടുത്ത ഈ തീരുമാനം തികച്ചും യുക്തിസഹവും ആവശ്യവുമായ നടപടി മാത്രമാണെന്ന് കോടതി അടിവരയിട്ടു പറഞ്ഞു.
