പശ്ചിമേഷ്യയെ വീണ്ടും കടുത്ത യുദ്ധഭീതിയിലാഴ്ത്തി ഇറാന്റെ പ്രത്യാക്രമണം. കുവൈറ്റിലെയുംബഹ്റൈനിലെയും അമേരിക്കൻ സൈനിക താവളങ്ങൾക്ക് നേരെ ഇറാൻ വൻതോതിൽമിസൈൽ-ഡ്രോൺ ആക്രമണങ്ങൾ നടത്തി. കഴിഞ്ഞ ദിവസം ഇറാനിയൻ ലക്ഷ്യസ്ഥാനങ്ങൾക്ക്നേരെ അമേരിക്ക നടത്തിയ വ്യോമാക്രമണത്തിന് തൊട്ടുപിന്നാലെയാണ് ഇറാന്റെ റെവല്യൂഷണറിഗാർഡ്സ് (IRGC) യുഎസ് സഖ്യരാജ്യങ്ങളിലെ താവളങ്ങൾക്ക് നേരെ തിരിച്ചടിച്ചത്. ഇതോടെമേഖലയിൽ നിലനിന്നിരുന്ന താൽക്കാലിക വെടിനിർത്തൽ പൂർണ്ണമായും തകരുകയും വൻയുദ്ധസാധ്യത പ്രവചിക്കപ്പെടുകയും ചെയ്യുകയാണ്.
ഇറാന്റെ അപ്രതീക്ഷിത നീക്കത്തിന് പിന്നാലെ കടുത്ത ഭാഷയിലാണ് അമേരിക്കൻ പ്രസിഡന്റ്ഡോണൾഡ് ട്രംപ് പ്രതികരിച്ചത്. സൈനികമായ ശക്തമായ ഒരു മറുപടിയിലേക്ക് കടക്കാൻവാഷിങ്ടൺ നിർബന്ധിതരായാൽ ‘ഇറാൻ എന്ന രാജ്യം തന്നെ ഭൂമിയിൽ ഇല്ലാതാകുമെന്ന’ കടുത്തമുന്നറിയിപ്പാണ് ട്രംപ് നൽകിയിരിക്കുന്നത്. വരും മണിക്കൂറുകളിൽ അമേരിക്കയുടെഭാഗത്തുനിന്നും അതിശക്തമായ തിരിച്ചടി ഉണ്ടായേക്കുമെന്നാണ് പെന്റഗൺ വൃത്തങ്ങൾ നൽകുന്നസൂചന.
ഇറാൻ അതിർത്തിയിൽ നിന്നും തൊടുത്ത ഡസൻ കണക്കിന് ഡ്രോണുകളും ബാലിസ്റ്റിക്മിസൈലുകളുമാണ് കുവൈറ്റിലെയും ബഹ്റൈനിലെയും യുഎസ് താവളങ്ങളെ ലക്ഷ്യമാക്കികുതിച്ചെത്തിയത്. ബഹ്റൈനിലെ യുഎസ് നേവിയുടെ അഞ്ചാം കപ്പൽ വ്യൂഹത്തിന്റെആസ്ഥാനത്തിന് നേരെയും ആക്രമണ ശ്രമമുണ്ടായതായാണ് റിപ്പോർട്ടുകൾ.
ആക്രമണത്തിൽ ഉണ്ടായ നാശനഷ്ടങ്ങളുടെയോ ജീവഹാനിയുടെയോ കൃത്യമായ വിവരങ്ങൾപുറത്തുവന്നിട്ടില്ല. മേഖലയിൽ അതീവ ജാഗ്രതാ നിർദ്ദേശം പുറപ്പെടുവിച്ചിരിക്കുകയാണ്. സഖ്യകക്ഷികൾക്ക് നേരെയുണ്ടായ ആക്രമണത്തെ തുടർന്ന് പശ്ചിമേഷ്യയിലെ യുഎസ് സൈനികകമാൻഡ് തിരിച്ചടിക്കായുള്ള തയാറെടുപ്പുകൾ തുടങ്ങി കഴിഞ്ഞു. ലോകരാജ്യങ്ങൾ കടുത്തആശങ്കയോടെയാണ് ഈ പുതിയ സംഭവവികാസങ്ങളെ വീക്ഷിക്കുന്നത്.
