നമ്മൾ ശ്വാസമെടുക്കാതെ അഞ്ച് സെക്കൻഡ് നിൽക്കുന്നത് തികച്ചും നിസ്സാരമായ കാര്യമാണ്. എന്നാൽ ഭൂമിയിലെ അന്തരീക്ഷത്തിൽ നിന്ന് ഓക്സിജൻ വെറും അഞ്ച് സെക്കൻഡിലേക്ക് പൂർണ്ണമായി അപ്രത്യക്ഷമായാൽ എന്ത് സംഭവിക്കും? നമ്മൾ ശ്വാസം മുട്ടി മരിക്കുമെന്നായിരിക്കും ആദ്യം ചിന്തിക്കുക. എന്നാൽ യാഥാർത്ഥ്യം അതല്ല; നമ്മൾ ശ്വാസമെടുക്കാൻ ശ്രമിക്കുന്നതിന് മുൻപ് തന്നെ നമ്മൾ ജീവിക്കുന്ന ഭൂമി പാടെ തകർന്നടിയും! ശാസ്ത്രലോകവും പാരിസ്ഥിതിക വിദഗ്ദ്ധരും ചൂണ്ടിക്കാണിക്കുന്ന ആ ഞെട്ടിക്കുന്ന യാഥാർത്ഥ്യം കേട്ടാൽ ആരുടെയും അടിവയറ്റിൽ തീയാളും.
ഓക്സിജൻ ഇല്ലാതാകുന്ന ആ നിമിഷം തന്നെ ലോകമെമ്പാടുമുള്ള കോൺക്രീറ്റ് കെട്ടിടങ്ങളും പാലങ്ങളും അണക്കെട്ടുകളും തൽക്ഷണം തകർന്ന് തരിപ്പണമാകും. കാരണം, കോൺക്രീറ്റിലെ പ്രധാന ഘടകങ്ങളെ ഒന്നിച്ചുനിർത്തുന്ന ബൈൻഡറായി പ്രവർത്തിക്കുന്നത് ഓക്സിജനാണ്. ഇതോടൊപ്പം, പകൽ സമയം പെട്ടെന്ന് രാത്രിപോലെ കറുത്തിരുളും. അന്തരീക്ഷത്തിൽ സൂര്യപ്രകാശത്തെ ചിതറിപ്പിക്കുന്ന ഓക്സിജൻ കണികകൾ ഇല്ലാതാകുന്നതാണ് ഇതിന് കാരണം. ഭൂമിയിലെ സകല മനുഷ്യരുടെയും ജീവികളുടെയും കർണ്ണപടങ്ങൾ (Eardrum) ഒറ്റനിമിഷത്തിൽ പൊട്ടിത്തെറിക്കും. അന്തരീക്ഷ മർദ്ദത്തിലുണ്ടാകുന്ന പെട്ടെന്നുള്ള 21 ശതമാനത്തോളം വരുന്ന ഇടിവാണ് ഇതിന് കാരണം.
ഇതിനുപുറമേ, ഭൂകവചത്തിന്റെ (Earth’s Crust) 45 ശതമാനവും നിർമ്മിച്ചിരിക്കുന്നത് ഓക്സിജൻ കൊണ്ടാണ്. അതിനാൽ നാം നിൽക്കുന്ന മണ്ണ് പൊടിഞ്ഞ് നമ്മൾ താഴേക്ക് പതിക്കും. വെള്ളത്തിൽ ഓക്സിജൻ ഉള്ളതുകൊണ്ട് സമുദ്രങ്ങളിലെ സകല ജലവും ആവിയായി ബഹിരാകാശത്തേക്ക് ഉയരും. സൺസ്ക്രീൻ പോലെ ഭൂമിയെ സംരക്ഷിക്കുന്ന ഓസോൺ പടലം ഓക്സിജൻ അറ്റങ്ങൾ കൊണ്ടുണ്ടാക്കിയതായതിനാൽ, സൂര്യന്റെ മാരകമായ അൾട്രാവയലറ്റ് രശ്മികൾ നേരിട്ട് പതിച്ച് ഭൂമിയിലെ സകലതും കരിഞ്ഞുണങ്ങും. വെറും അഞ്ച് സെക്കൻഡ് കൊണ്ട് ജീവന്റെ കണിക പോലും ബാക്കിയില്ല്ലാത്ത വിജനമായ ഒരു ഗ്രഹമായി ഭൂമി മാറും!
