ട്വന്റി20 ക്രിക്കറ്റ് ലോകത്തെ ഞെട്ടിച്ചുകൊണ്ട് വെസ്റ്റ് ഇൻഡീസ് ഇതിഹാസ താരം കീറോൺ പൊള്ളാർഡ് സൂപ്പർ കിംഗ്സ് കുടുംബത്തിലേക്ക്. 2027-ൽ നടക്കുന്ന എസ്എ20 (SA20) ടൂർണമെന്റിൽ ജോബർഗ് സൂപ്പർ കിംഗ്സിനായി (Joburg Super Kings) പൊള്ളാർഡ് മൈതാനത്തിറങ്ങും. ക്രിക്കറ്റ് പ്രേമികൾ ഒട്ടും പ്രതീക്ഷിക്കാത്ത ഈ വലിയ വാർത്ത സൂപ്പർ കിംഗ്സ് ഫ്രാഞ്ചൈസിയുടെ ചരിത്രത്തിലെ തന്നെ ഏറ്റവും പ്രധാനപ്പെട്ട നിമിഷങ്ങളിൽ ഒന്നായാണ് വിലയിരുത്തപ്പെടുന്നത്.
മുംബൈ ഇന്ത്യൻസിന്റെ സർവ്വകാല പ്രതിനിധിയായി അറിയപ്പെട്ടിരുന്ന പൊള്ളാർഡ്, തന്റെ ഐപിഎൽ കരിയറിലുടനീളം ചെന്നൈ സൂപ്പർ കിംഗ്സിന്റെ ഏറ്റവും വലിയ എതിരാളികളിൽ ഒരാളായിരുന്നു. എന്നാൽ ഇത്തവണ ആദ്യമായി അദ്ദേഹം മഞ്ഞ ജേഴ്സിയിൽ കളത്തിലിറങ്ങുന്നു എന്നത് കായികലോകത്ത് വലിയ ചർച്ചയായിട്ടുണ്ട്.
2010-ലെ ഐപിഎൽ ലേലത്തിൽ കീറോൺ പൊള്ളാർഡിനെ സ്വന്തമാക്കാൻ ചെന്നൈ സൂപ്പർ കിംഗ്സ് തീവ്രമായി ശ്രമിച്ചിരുന്നുവെങ്കിലും അവസാന നിമിഷം മുംബൈ ഇന്ത്യൻസ് താരത്തെ തങ്ങളുടെ പാളയത്തിൽ എത്തിക്കുകയായിരുന്നു. തുടർന്ന് നീണ്ട 16 വർഷക്കാലം മുംബൈയുടെ നീല ജേഴ്സിയിൽ കളിച്ചും പിന്നീട് ടീമിന്റെ പരിശീലകനായി പ്രവർത്തിച്ചും ഫ്രാഞ്ചൈസിയുടെ ഒഴിച്ചുകൂടാനാവാത്ത ഭാഗമായി മാറിയ പൊള്ളാർഡ്, ഒടുവിൽ ഒന്നര പതിറ്റാണ്ടിനു ശേഷമാണ് സൂപ്പർ കിംഗ്സ് മാനേജ്‌മെന്റിന് കീഴിൽ കളിക്കാൻ കരാറിലൊപ്പിടുന്നത്. കരീബിയൻ കരുത്തും ധാരാളം പരിചയസമ്പത്തുമുള്ള പൊള്ളാർഡിന്റെ വരവ് ദക്ഷിണാഫ്രിക്കൻ ലീഗിൽ ജോബർഗ് സൂപ്പർ കിംഗ്സിന് വലിയ കരുത്താകും.
A HISTORIC DAY IN SUPER KINGS FAMILY 💛
– CSK wanted Pollard in 2010 but MI eventually got him & rest is history and after 16 years later, he will make his debut in yellow jersey for Joburg Super Kings in SA20. https://t.co/6cHpagEDct
— Johns. (@CricCrazyJohns) October 7, 2026
